QR Eńbek jáne halyqty áleýmettik qorǵaý mınıstrligi men «Eńbek resýrstaryn damytý ortalyǵy» AQ 28 maýsymnan bastap qysqa merzimdi onlaın-kýrstarǵa oqytýdyń skills.enbek.kz portalyn iske qosady, dep habarlaıdy Egemen.kz.
Qazaqstandyq oqý ortalyqtary men ózge de uıymdar kýrstardyń avtorlary men ázirleýshileri bola alady. QR EHÁQM baspasóz qyzmetiniń málimetinshe, portal marketpleıs (onlaın-qyzmetterdi satyp alý) qaǵıdaty boıynsha onlaın-kýrstardy usynatyn oqytý alańdarynyń qazaqstandyq analogy bolyp tabylady. Kez kelgen azamat talap etiletin daǵdylarǵa nemese biliktilikti arttyrý kýrstaryn oqýǵa qol jetkize alady.
Kýrstyń avtorlary men ázirleýshileri zańdy tulǵalar men jeke kásipkerlerdi, sonyń ishinde oqý ortalyqtaryn, bilim berý uıymdaryn tartýdy josparlap otyr.
Portal halyqtyń bilim deńgeıi men kásibıligin arttyrý, mansaptyq damýdy yntalandyrý jáne «ómir boıy oqytý» tujyrymdamasyn ilgeriletý maqsatynda qurylǵan. Budan bólek, portaldyń áleýmettik maqsaty jumyssyz adamdardy jumysqa ornalastyrý múmkindikterin jaqsartý úshin memleket qarajaty esebinen oqytý bolyp tabylady. Bul fýnksııa 2021 jyldyń ekinshi jartysynda iske qosylady.
«ERDO» AQ múddeli uıymdardy onlaın-oqytý baǵytyn damytýda yntymaqtastyqqa shaqyrady. Onlaın kýrstardyń avtory nemese ázirleýshisi retinde qatysý jáne olardy portal resýrstaryn paıdalaný boıynsha tólemsiz ornalastyrý úshin https://skills.enbek.kz/ siltemesi boıynsha tirkeýden ótý qajet. Jańa bastaǵan avtorlar men ázirleýshiler úshin portalda onlaın kýrstardy qurý boıynsha ádistemelik usynymdar jáne olarǵa qoıylatyn talaptar ázirlendi jáne ornalastyryldy.
Avtorlar úshin portaldaǵy áriptestiktiń artyqshylyqtary mynadaı: Qosymsha platformalar men saıttar qurýǵa ınvestısııa salmaı-aq, eldiń barlyq múddeli azamattary úshin sizdiń onlaın-kýrstaryńyzdy ornalastyrý jáne ilgeriletý; Azamattardy, sondaı-aq jumyssyz adamdardy oqytý kezinde qosymsha tabys kózin alý múmkindigi.