AQSh-tyń Illınoıs shtatyndaǵy Chıkago qalasynda bolǵan atys nátıjesinde tórt adam qaza taýyp, taǵy tórteýi jaraqat aldy, dep habarlaıdy Egemen.kz.
Chıkago polısııasynyń habarlaýynsha, myltyq daýysy jergilikti ýaqytpen 05:45 shamasynda qalanyń ońtústik bóligindegi Engelvýd aımaǵynda estilgen. Oqıǵa ornyna polısııa keldi.
«Atys úılerdiń birindegi janjaldan keıin bastalǵan. Tórt adam sol jerde qaıtys boldy, taǵy tórt adam jaqyn mańdaǵy aýrýhanalarǵa jetkizildi. Zardap shekkenderdiń ekeýiniń jaǵdaıy aýyr», delingen habarlamada.
Atys bolǵan aımaq jabyq. Tergeý amaldary júrgizilip jatyr.