Deneshynyqtyrý jáne sport basqarmasynyń bes aıdaǵy negizgi jetistikteri boıynsha jyl basynan beri Shymkent qalasynyń sportshylary QR chempıonattary, kýbogtary men birinshilikterge qatysyp 315 altyn, 239 kúmis, 284 qola medal jeńip aldy, dep habarlaıdy Egemen.kz.
Qala sportshylary Azııa chempıonattary men kýboktarynda 3 altyn, 3 kúmis, 3 qola medalge qol jetkizse, álem chempıonattary men kýboktarynda 1 altyn, 5 kúmis jáne 7 qola medalge ıe boldy. 5 aıda 3 halyqaralyq dárejedegi sport sheberi, 64 Qazaqstan Respýblıkasynyń sport sheberi, 102 sport sheberine úmitker sportshylar daıyndaldy.
Ár tórt jylda bir ret ótetin Qazaqstan Respýblıkasynyń V Jastar sporttyq Oıyndarynda qala jastary sporttyń 36 túrinen baq synaýda. Búginde Shymkent qalasynyń qurama komandasy 663 upaımen jalpy komandalyq esepte 2-orynda keledi. 1-shi jáne 3-shi orynda Almaty qalasy men Almaty oblysy. Jarystyń qorytyndysy aǵymdaǵy jyldyń tamyz aıynda anyqtalady.
Sondaı-aq bıyl aıtýly is-sharalardyń biri – HHHII-shi Jazǵy Olımpıada Oıyndary 23 shilde – 8 tamyz aralyǵynda Tokıo qalasynda ótedi. Álem kóz tigip otyrǵan úlken dodaǵa Qazaqstan Respýblıkasynyń Ulttyq quramasy sapyna engen sportshylar qyzý daıyndyq ústinde.
Búgingi tańda Shymkent qalasynyń sportshylary Jazǵy Olımpıada Oıyndaryna 10 joldamany jeńip aldy.
Aldaǵy ýaqytta dzıýdodan – Otgonseseg Galbadrah, Sevara Nyshanbaeva, karate, batýttyq gımnastıka sportynan da joldama alýǵa úmitti.