Memleket basshysy Strategııalyq josparlaý jáne reformalar agenttiginiń tóraǵasy Qaırat Kelimbetovti qabyldady, dep habarlaıdy Egemen.kz.
Prezıdentke densaýlyq saqtaý, kásipkerlik, ornyqty ekonomıkalyq ósimdi qamtamasyz etý, óńirlerdi damytý, ınnovasııa jáne ǵylym, sondaı-aq, agroónerkásip kesheni salalaryndaǵy ulttyq jobalardyń ázirlený barysy týraly málimet berildi.
Qasym-Jomart Toqaev ulttyq jobalar qazaqstandyqtardyń turmys sapasyn jaqsartýǵa áser etetin naqty kórsetkishteri bar ózgeristerdiń tıimdi quralyna aınalýy tıis ekenin atap ótti.
Kezdesý barysynda kelesi aıda ótkizýge josparlanyp otyrǵan Reformalar jónindegi joǵary keńes otyrysynyń kún tártibi qarastyryldy. Memleket basshysyna «Astana» halyqaralyq qarjy ortalyǵynyń qazirgi qyzmeti, sondaı-aq, qarjylyq tehnologııalar men ınnovasııalardy damytý, portfeldi jáne tikeleı ınvestısııa tartý jumystary jóninde baıandaldy.
Kezdesý sońynda Qasym-Jomart Toqaev Qaırat Kelimbetovke birqatar naqty tapsyrma berdi.