«Nurly jer» memlekettik baǵdarlamasy aıasynda salynyp jatqan qoljetimdi baspana qurylysynda birqatar problemalar anyqtalyp otyr. Búgin Senat otyrysynda Úkimet pen Esep komıtetiniń 2020 jylǵy respýblıkalyq bıýdjettiń atqarylýy týraly esepterin qaraǵan depýtattar osy máselege nazar aýdardy, dep habarlaıdy Egemen.kz Senattyń baspasóz qyzmetine silteme jasap.
Baǵdarlamany iske asyrý kezinde áleýmettik az qamtylǵan otbasylarǵa arnalǵan jaldamaly baspana qurylysy kózdelgen kórsetkishtiń 50 paıyzyna da jetpegen. Respýblıkalyq mańyzy bar qalalarda jumys isteıtin jastarǵa arnalǵan jaldamaly baspana salý jumysynda da jaǵdaı osyndaı.
Senat Tóraǵasy bul óte ózekti másele ekenin aıtyp, mundaı kemshilikterdiń negizgi sebepterin atap ótti.
«Bul birinshiden, jospardyń durys jasalmaǵanyn kórsetedi. Iаǵnı, aldyn ala saraptamalar tıisti deńgeıde júrgizilmegen degen sóz. Ekinshiden, monıtorıngtiń álsiz bolǵanyn bildiredi. Mundaı áleýmettik mańyzy bar iste baqylaý turaqty ári keshendi túrde júrgizilýi kerek. Úshinshiden, sapa máselesi. Úıdiń baǵasyn arzandatamyz dep sapa jaǵyn tómendetip aldyq. Osyǵan oraı halyq tarapynan da narazylyqtar týyp jatady. Mundaı máselelerdi sheshý úshin júıeli jumys júrgizý kerek. Bul rette depýtattar zańnamalyq turǵydan qoldaý kórsetýge daıyn», dedi Máýlen Áshimbaev.