Elimizdiń óńirlerinde «Mereıli otbasy» Ulttyq baıqaýyna qatysý úshin ótinimderdi qabyldaý aıaqtaldy. Berilgen ótinimder sany otbasylyq qundylyqtardy nasıhattaý qazaqstandyqtar arasynda óte tanymal jáne suranysqa ıe ekenin kórsetti.
Bıyl jańa erejeler aıasynda «Mereıli otbasy» baıqaýyna qatysý úshin ótinimderdi tek otbasylardyń ózderi ǵana emes, bilim berý, densaýlyq saqtaý, mádenıet uıymdary, eńbek ujymdary, ónerkásiptik kásiporyndar, ÚEU jáne basqa da zańdy tulǵalar bergenin atap ótý kerek.Engizilgen ózgeristerdiń arqasynda óńirlik komıssııalarǵa barlyǵy 2768 ótinim kelip tústi. Sonyń ishinde otbasylarǵa – 1692, zańdy tulǵalarǵa 1076 ótinim tıesili. О́tinimderdiń eń kóp sany Almaty (454), Shyǵys Qazaqstan (232) jáne Qaraǵandy (223) oblystarynda.«Mereıli otbasy» Ulttyq baıqaýynyń laýreaty ataǵy qyrkúıek aıynda Otbasy kúni qarsańynda Qazaqstannyń barlyq óńirinen kelgen 17 úzdik otbasyna beriletin bolady. Al buryn respýblıkalyq deńgeıde bir ǵana otbasy jeńimpaz atanyp kelgen. Bıylǵy jyldan bastap óńirlik deńgeıde jeńimpaz atanǵan barlyq 17 otbasyna konkýrs laýreaty ataǵy berilip, teń marapattar tapsyrylatyn bolady.Budan basqa, bıyldan bastap konkýrsqa qatysýǵa ótinim berý, konkýrs nátıjeleri boıynsha marapattaý, konkýrs qorytyndylaryn anyqtaý jónindegi komıssııa quramyna azamattyq qoǵam ókilderi ǵana emes, sondaı-aq baıqaýdyń burynǵy jeńimpazdary da kirdi jáne jeńimpazdardy anyqtaý men baǵalaýdyń jańa baldyq júıesi boıynsha sharttyq ózgerister engizildi.Esterińizge sala keteıik, Ulttyq baıqaý ótkizýdi Elbasy Nursultan Nazarbaev 2013 jyldyń jeltoqsanynda bekitken bolatyn. Sodan beri «Mereıli otbasy» konkýrsyna 15 myńnan astam otbasy qatysty.