Alǵash ret Soltústik-Shyǵys Afrıkadan (Mysyr) Qazaqstanǵa (Qostanaı stansasy) qurylys materıaldary tıelgen 40 fýttyq alty konteıner keldi. Jóneltý jumystaryn «KTZ Express» AQ fılıaly halyqaralyq SMA CGM teńiz jelisimen birlese uıymdastyrdy.
Júk mysyrlyq Aleksandrııa portynan grýzııalyq Potı portyna deıin teńiz arqyly jóneltildi. Odan ári qaraı temirjolshylar júktiń jetkizilimin Transkaspıılik halyqaralyq kólik baǵdary (THKB) boıynsha uıymdastyrdy. Joldaǵy ýaqyt 25 kúndi qurady.
Budan buryn júkter Afrıka elinen reseılik porttar arqyly jetkizilip kelgen edi. «KTZ Express» AQ básekege qabiletti baǵa men sapaly servısti usyna otyryp, klıentti THKB baǵdaryna tarta aldy. Bul ataýly oqıǵa Eýrazııa qurlyǵy men Afrıka arasyndaǵy halyqaralyq dálizde júk aǵynyn ulǵaıtý úshin tyń múmkindikter ashty.
Qazirgi kezde «KTZ Express» AQ basshylyǵy men Mysyr Arab Respýblıkasy elshiliginiń ókilderimen atalǵan baǵdarda júk aǵynyn ulǵaıtý jáne tasymaldy damytý boıynsha jumystar júrgizilýde. Mysyrdyń iri porttary Afrıka elderi úshin qaqpa retinde qarastyrylyp otyr.