Lıvannyń astanasy Beırýtte taekvondodan erler men áıelder arasyndaǵy Azııa chempıonaty bastaldy. Bul jarysta Qazaqstannyń 15 daıan sheberleri óner kórsetýde.
Alǵashqy kúni jerlesterimiz úsh júldege ıelik etti. 54 kılo salmaqtaǵy Saıat Temirhan qola medaldi moınyna ilse, 87 kılo salmaqtaǵy Smaıyl Dúısebaı aqtyq synǵa deıin alqynbaı jetkenimen sheshýshi tusta Ońtústik Koreıanyń ókilinen utylyp, qatarynan ekinshi márte Azııa birinshiliginiń kúmis júldegeri atandy. Al 2018 jyly ol Vetnamnyń Hoshemın qalasynda «sary qurlyqtyń teńdessizi» dep tanylǵan edi. Áıelder saıysynda synǵa túsken Jansel Denız de dál sol mejeden kórindi. Qurlyq chempıonaty men Dúnıejúzilik Ýnıversıadada ekinshi oryndy oljalaǵan qazaq qyzy Beırýttegi básekeniń fınalynda koreıalyq taekvondoshyǵa jol berdi.
Keshe taǵy birneshe salmaq dárejesi boıynsha «jan alysyp, jan berisken» saıystar ótti. Bul básekelerdiń qalaı aıaqtalǵany jaıynda gazetimizdiń kelesi sanynda baıandaımyz.