Bul týraly «Qazsýshar» RMK ókilderi atalǵan oblysta BAQ ókilderine arnalǵan press-týrda aıtty, dep jazady Egemen.kz.
Pavlolar oblysynda egistik alqabynyń jalpy kólemi 58 myń ga quraıdy. Aımaqta agroónerkásipti damytýǵa arnalǵan keshendi jospar bar. Búgin Jelezın aýdanyndaǵy bir ınvest joba aıaqtaldy. Nátıjesinde kelesi jyly alqap kólemi 3 myń gektarǵa artpaq.
«Biz qazir osy nysandy tájirıbe júzinde iske qostyq. О́zderińiz biletindeı, Jelezın aýdanyndaǵy jalǵyz sharýaqojalyq bar. Sol «Samuryq ı K» JShS-ǵa sý jetkizip beremiz. Iаǵnı, egistik alqabyna deıin. Osy sýarmaly sýdy jetkizý arqyly, 732 ga alqap sýarylady. Sol nysannyń qurylysyn byltyr bastap, aıaqtap berdik», dedi «Qazsýshar» RMK Pavlodar oblystyq fılıalynyń dırektory Jumageldi Qojanov.
Ǵumyrynyń shırek ǵasyryn aýylsharýashylyq salasyna arnaǵan Qýat Anafen úshin búgingi kún ádettegiden ózgeshe. О́ıtkeni, keler jylǵa 732 ga egistik alqaby daıyn. «Qazsýshar» mekemesi egistikke deıin sý beredi. Jeke kásipker ári qaraı alqapty jańbyrlatyp sýarý ádisimen daqyldaryn sýarady. Búginde kásipker bıznesi úshin sýbsıdııa alǵan. Alqapqa maıly dándi-daqyldardy, mal úshin jem-shópti, kartop egýdi josparlap otyr.
«Biz qýanyshtymyz, óıtkeni búgin kópten kútken kún! Qazsýsharlyqtar nysandy ýaqytynda bitirip, 2022 jyly iske qospaq. Men daqyl egetin alqapqa deıin sý jetkizip berdi. Qazir kelesi jylǵa daıyndyq jumystary júrip jatyr. Aýdannyń 50 halqyn jumyspen qamtımyz degen oıdamyz», dedi «Samuryq ı K» JShS-niń dırektory Qýat Anafen.
Paıdalanýǵa beriletin nysan 4 sý sorǵysh stansııamen jumys isteıdi. Bir sý sorǵysh saǵatyna 400 tekshe metr sýdy Ertis ózeninen alýǵa qaýqarly. Maýsymyna 2 mln 900 tekshe metr sý alýǵa múmkindik beredi. Jalpy oblysty osy tektes 3 ınvest joba júzege asyrylýda. Solar arqyly aımaqtyń egistik alqabyn keńeıtý josparda bar. Osylaısha, Memleket basshysynyń 2030 jylǵa deıin respýblıka boıynsha egistik alqabyn 3 mln gektarǵa deıin ulǵaıtý tapsyrmasyna úles qosady.