Vengrııa men Fransııa quramalary kim myqtyny anyqtaı almaı, teń tarqasty, dep habarlaıdy Egemen.kz.
Esep 1:1. Matchta majarlar shıraq bastaǵan. Birneshe ret Ýgo Lorıs qaqpasyna qaýip tóndirdi. Alaıda kóp uzamaı fransýzdar oıyn tizginin qolyna aldy. Birneshe márte qaýipti shabýyl jasap, aqyrynda Mbappe Benzemany urymtal tusqa shyǵarǵan. Alaıda «Realdyń» shabýylshysy múmkindigin sátti paıdalana alǵan joq.
Budan keıin de fransýzdar tynym tapqan joq. Dúrkin-dúrkin Majarstan qaqpasyna soqqy jasady. Biraq birde qaqpashy dopty qaıtarsa, keleside qorǵaýshylar baryn saldy.
Vengrııa shabýyldy da umytqan joq. Birinshi taımnyń sońǵy mınýttary ótip jatqanda Fıola Attıla sol qanattan dop qabyldap, qorǵaýshyny ońaı aldap ótti. Aıyp alańynyń ishine kirip úlgergen ol qaqpany dál kózdegen. Lorıs túk bitire almaı qaldy.
Oıda-joqta gol jiberip alǵan fransýzdar ekinshi taımda alǵa lap qoıdy. Olardyń tekpen doby birde qıys ketse, birde qaqpashy tosqaýyl boldy. Sóıtip, Mbappe bastaǵan jigitter túk óndire alǵan joq.
Degenmen Vengrııa aıyp alańyndaǵy qarbalas sátterdiń birinde Grızmann dopty barynsha teýip, Gýlachıdi qapy qaldyrdy. Esep 1:1. Match aıaqtalǵansha tablodaǵy kórsetkish ózgergen joq.
Osylaısha, Fransııa 4 upaımen kósh bastady. Al Vengrııa fýtbolshylary kelesi kezeńge shyǵý múmkindigin saqtap qaldy.
Vengrııa – Fransııa 1:1
Goldar:
1:0 – 45 Fıola, 1:1 – 66 Grızmann.
Majarstan – Gýlachı, Fıola, Salaı, Orban, Nego, Nad, Shafer (Cherı, 76), Shallaı, Klıaınhaısler (Lovrenchıch, 84), Botka, Salaı (Nıkolıch, 26).
Fransııa – Lorıs, Varan, Kımpembe, Pavar, Dın, Kante, Rabo (Dembele, 57; Lemar, 87), Pogba (Tolısso, 76), Benzema (Jırý, 76), Mbappe, Grızmann.
Eskertý alǵandar: Pavar (10), Botka (52).