Eýropa jasyl alańdarynda ótip jatqan fýtboldan kezekti qart qurlyq básekesiniń toptyq kezeńindegi ekinshi týr oıyndary óz máresine jetti. Ázirge eki oıynda upaıdan shashaý shyǵarmaı, qarsylastaryn qoǵadaı japyryp kele jatqan Italııa, Belgııa jáne Nıderland quramalary merziminen buryn pleı-off kezeńiniń máselesin sheship qoıdy. Al eki týrda birde-bir upaı jınaı almaı, kósh sońynda qalyp qoıǵan Túrkııa, Danııa, Soltústik Makedonııa týrnırdi aıaqtaýdyń sál-aq aldynda tur.
Sondaı-aq Reseı, Fınlıandııa, Ýkraına, Aýstrııa quramalary da bir aıaǵymen pleı-off kezeńine ótip tur deýge bolady. Atalǵan elderdiń fýtbolshylary sońǵy týrda jeńiske jetetin bolsa, ekinshi jáne úshinshi orynmen toptyq kezeńnen shyǵýǵa múmkindikteri bar. Al D, E jáne F tobyndaǵy quramalardyń jaǵdaıy ekinshi týrdan keıin odan ári shıelenisip ketti.
Máselen, alǵashqy týrda Horvatııany 1:0 esebimen tize búktirgen aǵylshyndar ekinshi týrdaǵy Brıtanııa derbıinde Shotlandııamen teń oınap (0:0), merziminen buryn kelesi kezeńge shyǵý múmkindiginen aıyryldy. Degenmen Anglııa quramasynyń ekinshi orynmen de pleı-off kezeńine ótý múmkindigi bar. Biraq bári de sońǵy týrdaǵy oıyndardyń nátıjesine baılanysty bolmaq. Garet Saýtgeıt shákirtteri úshinshi týrda jeke kórsetkish boıynsha D tobynda birinshi orynda turǵan Chehııa quramasymen oınaıdy. Kelesi kezeńge shyǵý úshin eki quramaǵa da teń oıyn jetkilikti.
Al toptaǵy ekinshi oıynda bir-bir upaıy bar Horvatııa men Shotlandııa baq synaıdy. Bul oıynda eki ujymǵa da jeńis aýadaı qajet. Sebebi úsh upaı oljalaǵan qurama 4 upaımen úshinshi oryn arqyly da pleı-offqa shyǵýy múmkin. Al eger teń esep tirkeletin bolsa, ókinishke qaraı, Horvatııa da, Shotlandııa da bıylǵy dodany toptyq kezeńmen aıaqtaýǵa májbúr bolady.
E jáne F tobyndaǵy quramalardyń jaǵdaıy tipti qıyn. Máselen, E tobynda 4 upaımen kósh bastap turǵan Shvesııa sońǵy týrda bir upaıy bar Polsha fýtbolshylarymen kezdesedi. Eger Robert Levandovskı bastaǵan ujym bul teketireste jeńiske jetip, Ispanııa Slovakııany tize búktiretin bolsa, Pıreneı túbeginiń ókilderi men Polsha birinshi jáne ekinshi orynmen kelesi kezeńge shyǵady. Al 4 upaımen úshinshi orynǵa syrǵıtyn Shvesııa toptyq kezeńniń oıyndary aıaqtalǵanyn kútedi. Qyzyq bolǵanda, Shvesııa men Slovakııa qarsylastarymen teń túsip nemese jeńiske jetetin bolsa, bıylǵy Eýro Ispanııa jáne Polsha quramalarynsyz ári qaraı jalǵasa beredi.
F kvartetindegi quramalardyń da jaǵdaıy ózge toptarmen salystyrǵanda asa máz emes. Bıylǵy birinshiliktiń «ajal toby» atanyp ketken tórttikte Eýropanyń eń úzdik ujymdary jınalǵan. Atap aıtar bolsaq, Germanııa – úsh dúrkin, Fransııa – eki dúrkin Eýropa chempıony. Al Portýgalııa quramasy 2016 jylǵy qart qurlyq birinshiliginiń jeńimpazy sanalady. Majarstan quramasy da qara jaıaý emes. Olar 1964 jyly Eýropa chempıonatynyń qola júldesin jeńip alǵan.
Osyndaı kil myqty qurama jınalǵan toptyń alǵashqy týrynda Fransııadan jeńilgen Germanııa ekinshi týrda Portýgalııany iri eseppen tize búktirdi – 4:2. Bul oıynda Krıshtıaný Ronaldý bastaǵan ujym «nemis mashınasyn» toqtata almady. Al birinshi týrda óz alańynda Portýgalııadan ońbaı jeńilgen Majarstan fýtbolshylary ekinshi týrda Fransııa quramasyna laıyqty qarsylyq kórsetip, 1:1 esebimen teń oınady. Bir aıta keterligi, osy matchtyń eń úzdik oıynshysy dep tanylǵan Laslo Klıaınhaıslerdiń esimi qazaqstandyq fýtbol jankúıerlerine jaqsy tanys. О́ıtkeni majarstandyq jartylaı qorǵaýshy 2017 jáne 2018 jyldary elordanyń «Astana» klýbynda óner kórsetip, óziniń táýir oıynymen jergilikti jankúıerlerdiń ystyq yqylasyna bólengen edi.
Endi sońǵy týrda Majarstan Germanııa quramasymen kezdesedi. «Nemis mashınasy» birinshi týrdaǵydaı syr berip qalmasa, kelesi kezeńge shyǵýǵa tolyq múmkindikteri bar. Toptaǵy Portýgalııa men Fransııa arasyndaǵy match osy týrnırdiń fınalynan keıingi eń tartysty kezdesýdiń biri bolady dep kútilýde. Sebebi bul oıynda teń nátıje eki ujymdy qanaǵattandyrmaıdy, ekeýine de tek jeńis qajet. Eýropa birinshiligi óziniń qyzǵan shaǵyna endi enip keledi.