VI saılanǵan Parlamenti Májilisiniń depýtaty Taras Hıtýov qaıtys boldy. Bul týraly saıasattanýshy Erbol Edilov telegram-kanalynda jazdy, dep habarlaıdy Egemen.kz.
«QazMunaıGaz» Ulttyq kompanııasy» ombýdsmeni Taras Hıtýov 57 jasynda qaıtys boldy», dep jazdy ol.
Taras Hıtýov 1964 jylǵy 4 aqpanda Mańǵystaý oblysynyń Fort-Shevchenko qalasynda dúnıege kelgen. Lenın atyndaǵy Qazaq polıtehnıkalyq ınstıtýtyn ınjener - mehanık mamandyǵy boıynsha bitirgen.
Eńbek jolyn 1986 jyly Mańǵystaý oblysynyń Aqtaý qalasyndaǵy plastmassa zaýytynyń apparatýra jabdyǵyn jóndeıtin slesary bolyp bastaǵan.
1988-1990 jj. - Mańǵystaý oblysynyń Aqtaý qalasyndaǵy plastmassa zaýytynyń aýysym sheberi, tehnıkalyq qadaǵalaý bóliminiń jetekshi ınjeneri.
1990-1991 jj. - «Aqjol» JShS tehnology, Aqtaý qalasy.
1991-1993 jj. - «Mańǵystaý» bıznes-ortalyǵynyń menedjeri, Mańǵystaý qalasy.
2000-2001jj. - Pavlodar munaı-hımııa zaýytynyń seh bastyǵynyń orynbasary, Pavlodar qalasy.
2002-2003 jj. - Mańǵystaý oblysynyń Aqtaý qalasy ákiminiń orynbasary.
2003-2004 jj. - Mańǵystaý oblysy Túpqaraǵan aýdanynyń ákimi.
2004-2008 jj. - Mańǵystaý oblysynyń Dene shynyqtyrý jáne sport basqarmasynyń bastyǵy.
2008-2010 jj. - Mańǵystaý oblysynyń Aqtaý qalasy ákiminiń orynbasary.
2010-2012 jj. - «QazMunaıGaz» Barlaý О́ndirý» AQ-nyń áleýmettik saıasat jáne personal jónindegi basqarýshy dırektory, Astana qalasy.
2012-2012 jj. - «О́zenmunaıgaz» AQ-nyń jalpy máseleler jónindegi orynbasary, Mańǵystaý oblysynyń Jańaózen qalasy.
2012-2015 jj. - «Qarajanbasmunaı» AQ-nyń kadr jáne ákimshilik máseleleri jónindegi vıse-prezıdenti, Aqtaý qalasy.
2015-2016 jj. - «Qarajanbasmunaı» AQ apparatynyń basshysy, Aqtaý qalasy.
2016 jylǵy 24 naýryzdan bastap 2020 jyldyń jeltoqsanyna – VI saılanǵan Qazaqstan Respýblıkasy Parlamenti Májilisiniń depýtaty, Ekonomıkalyq reforma jáne óńirlik damý komıtetiniń múshesi, «Nur Otan» partııasynyń múshesi.
Sońǵy qyzmeti - «QazMunaıGaz» Ulttyq kompanııasy» ombýdsmeni.
Otbasyly, úsh balasy jáne nemeresi bar.