1 sáýirden beri ishki ister organdarynyń qyzmetkerleri turǵyn úı tólemderin ala bastady. Osylaısha, Memleket basshysy Qasym-Jomart Toqaevtyń byltyr vedomstvonyń keńeıtilgen alqa otyrysynda aıtqan tapsyrmasy iske asyp otyr, dep habarlaıdy Egemen.kz.
Bul týraly Prezıdenttiń baspasóz hatshysy Berik Ýálı Facebook paraqshasynda jazdy. 2020 jyldyń 29 qazanynda ótken IIM-niń keńeıtilgen alqa otyrysynda Prezıdent Qasym-Jomart Toqaev ishki ister organdary qyzmetkerleriniń qarjylyq jaǵdaıyn 2023 jylǵa deıin kezeń-kezeńmen 30 paıyzǵa saralaı arttyryp, sala ókilderine áskerı qyzmetshiler sııaqty turǵyn úı jaldaý úshin ótemaqy tóleý máselesin jolǵa qoıýdy tapsyrǵan bolatyn.
Berik Ýálıdiń máimeti boıynsha, turǵyn úı ótemaqysyna qatysty tapsyrma bıyl birinshi sáýirde tolyǵymen oryndalǵan. «Bıylǵy 1 sáýirden bastap IIO qyzmetkerlerleri Qoǵanys mınıstrliginiń áskerı qyzmetshileri sııaqty turǵyn úı tólemderin alýǵa quqyly», dep jazady Berik Ýálı.