Shymkentte bıyl bilim uıymdarynyń materıaldyq-tehnıkalyq bazasyna kóp kóńil bólinip otyr. Bul týraly qala ákimi Murat Áıtenov baspasóz brıfınginde baıandady, dep habarlaıdy Egemen.kz.
Mektepterdi jabdyqtaýǵa 7 mlrd teńgege jýyq qarjy qaraldy. Qala mektepterindegi oqý kabınetteriniń nebári 32 paıyzy jabdyqtalǵan. Sol sebepti mektepter fızıka, hımııa, bıologııa, robototehnıka, STEM-ge arnalǵan 278 arnaıy pándik kabınetpen jabdyqtalady. Jabdyqtalý 32 paıyzdan 60 paıyzǵa ósedi.
Balalardyń qaýipsiz ortada bilim alýy úshin, ishte ájethanasy joq 36 mektepke qosymsha ájethana salynyp, bul másele tolyǵymen sheshimin tabady. Sonymen birge, sońǵy talaptarǵa sáıkestendirilgen beınebaqylaý men adamnyń túr-tulǵasyn anyqtaıtyn kirgizip-shyǵarý júıesi jańa oqý jylyna deıin 100 paıyzǵa ornatylatyn bolady.