Nur-Sultanda memlekettik organdardyń, ulttyq kompanııalardyń, kásiporyndardyń ákimshilik personalynyń keminde 80%-y qashyqtan jumys túrine kóshiriledi, dep habarlaıdy Egemen.kz.
Jańa ereje Nur-Sultan qalasynyń Bas memlekettik sanıtarııalyq dárigeri Sarhat Beısenovanyń jańa qaýlysynda jazylǵan.
«О́ndiristik qajettilikke baılanysty, menshik nysanyna qaramastan, memlekettik organdardyń (uıymdardyń), ulttyq kompanııalardyń, kásiporyndardyń ákimshilik personalynyń keminde 80%-yn qashyqtan jumys túrine kóshirý. Qyzmetkerlerdi COVID-19-ǵa qarsy vaksınasııalaý júrgizilgen jaǵdaıda qyzmet qashyqtyqtan jáne kúndizgi jumys formatynda jumys isteıtin qyzmetkerlerdiń paıyzdyq araqatynasy boıynsha talaptardy eskerýsiz júzege asyrylady», delingen qaýlyda.
Keıingi 3-6 aı ishinde COVID-19-ǵa qarsy vaksınasııalaýdyń tolyq kýrsyn alǵan jáne COVID-19-ben aýyryp jazylǵan barlyq qyzmetkerlerdiń kúndizgi rejımde jumys isteýine ruqsat beriledi.
Aıta keteıik, Nur-Sultanda 27 maýsymnan bastap karantın kúsheıtilmek.