О́ner sherýiniń nátıjeleri men jetistikteri QR Ulttyq kitaphanasynda ótken otyrysta qorytyndylandy, dep habarlaıdy Egemen.kz.
Atalmysh is-sharaǵa Mádenıet jáne sport vıse-mınıstri Nurǵısa Dáýeshov, oblystyq mádenıet, arhıv jáne qujattama basqarmalary men aýdandyq mádenı uıymdardyń basshylary qatysty. Jıyn barysynda vıse-mınıstr N.Dáýeshov óńirlerdiń ózara qarym-qatynasyn arttyra túsetin «Sálem, Elorda» syndy respýblıkalyq sharalardyń aýqymyn keńeıtip, halyqaralyq deńgeıge jetkizý qajettigin atap ótti.
«Joba aıasynda óńirlerden kelgen mádenıet qyzmetkerleri ózara tájirıbe almasyp, sheberlikterin shyńdady. Bul sharalar elimizdiń túpkir-túpkirinen jınalǵan áriptesterimiz úshin múmkindikter alańyna aınalyp, olardyń rýhanı tolysýyna septigin tıgizdi», dedi vıse-mınıstr.
Mádenıet jáne sport mınıstrliginiń bastamasymen júzege asyrylǵan «Sálem, Elorda!» óner sherýi bıyl oflaın formatta Almaty oblysy men Almaty qalasyndaǵy óner uıymdarynda ótti. Festıvaldiń maqsaty - óńirlerdiń óneri men mádenı jetistikterin keńinen nasıhattap, ozyq úlgidegi oryndaýshylardy dáripteý. Sonymen qatar óner sherýi aıasynda ulttyq qundylyqtarymyz ulyqtalyp, el Táýelsizdiginiń 30 jáne Jambyl Jabaevtyń 175 jyldyǵy sekildi respýblıkalyq mańyzy bar mereıtoılar men jergilikti ataýly datalardy qamtyldy. Jobany «Qazaqkonsert» memlekettik konsert uıymy» janyndaǵy «Respýblıkalyq konserttik-gastroldik qyzmet ortalyǵy» úılestirýde. Osy oraıda Qazaqkonsert basshysy Jeńis Seıdýllauly óz sózinde osyndaı iri jobalardy tek úlken qalalarda ǵana emes, sondaı-aq óńirlik mádenıet uıymdarynda da ótkizý mańyzdy ekendigin jetkizdi.
«Bıylǵy «Sálem, Elorda!» óner sherýine 20 óńirlik mádenıet uıymy qatysty. Joba barysynda áriptesterimizge túrli baǵyttaǵy kásibı master-klasstar, tanymdyq máni zor is-sharalar men ozyq úlgidegi konserttik baǵdarlamalar usynyldy. О́ner sherýi aıasynda 22 is-shara uıymdastyryldy, onyń ishinde 9 master-klass, semınar-trenıngtermen praktıkým sabaqtar bar. Master-klasstarda mádenıet salasyndaǵy menedjment, mýzykalyq teatrlardaǵy rejıssýranyń ereksheligi, dybys jáne jaryq operatorlarynyń qyzmeti, HRmáseleleri syndy taqyryptar qamtyldy.О́ner sherýi endi jyl sońynda Táýelsizdiktiń 30 jyldyq mereıtoıyna oraı Nur-Sultan qalasynda ótetin gala-konsertpen aıaqtalady», dep atap ótti Jeńis Seıdýllauly.
Jıyn barysynda mınıstrlik ókilderi pen Qazaqkonsert basshylyǵy «Sálem, Elorda!» II respýblıkalyq óner sherýiniń joǵary deńgeıde ótýine qoldaý kórsetken Almaty oblysynyń jáne Almaty qalasynyń ákimdikterine, Almaty oblysynyń ishki saıasat basqarmasyna, Jambyl aýdany ákimdigi jáne mádenıet mınıstrligine qarasty barlyq óner uıymdaryna óz alǵystaryn bildirdi.
О́ner sherýiniń sońǵy kúninde de konserttik uıym qyzmetkerleri úshin sheberlik saǵattar ótkizilip, tájirıbe almasý júrgizildi. Sheberlik sabaǵy barysynda óz salasynyń maıtalmany Q.Qojamıarovatyndaǵy Memlekettik respýblıkalyq mýzykalyq komedııalyq uıǵyr teatrynyń rejısseri Iаlkýnjan Shamıev tájirıbelerimen bólisti.
«Sálem, Elorda!» II respýblıkalyq óner sherýi estrada juldyzdary men óńir ónerpazdarynyń qatysýymen ótken «Asqaqta, armandardyń Alataýy!» atty gala-konsertpen aıaqtaldy.