Qazaqstan naryǵyna tájikstandyq kókónis pen jemister jetkizilýi múmkin. Ázirge jalpy quny 1,5 mıllıon dollaryna júzim men pııaz ákelý týraly kelisim jasaldy. Eger bári sátti ótip, qos taraptyń kásipkerlerine tıimdi bolsa, taýardyń ózge túrlerin tasýǵa jol ashylady. Bul týraly eldiń saýda jáne ıntergrsııa mınıstri Baqyt Sultanov málimdedi, dep habarlaıdy Egemen.kz.
«Qazaqstanda ósirilgen kókónis pen jemis-jıdek ishki naryqty tolyq qamtýǵa jetpeıdi. Jańa maýsym qarsańynda taýar azaıyp, baǵa kóteriledi. Osy aralyqty ımportpen toltyrý qajet. Artylyp jatsa bizdiń dıqandarymyz ónimin Reseıge qymbat baǵamen sata alady. Iаǵnı biz Tájikstan, О́zbekstan elderinen qajetti taýardy arzanǵa ımporttasaq, otandyq dıqandar óz taýaryn shetelge qymbatyraq sata alady. Basty maqsat ishki naryqta azyq-túlik tapshylyǵynyń aldyn alý», deıdi mınıstr.