Almaty qalalyq Qoǵamdyq densaýlyq saqtaý basqarmasy koronavırýs boıynsha birneshe ssenarıı ázirledi. Jaǵdaı ýshyǵatyn bolsa, stasıonarlardaǵy tósek 10 myńǵa deıin ulǵaıtylýy múmkin, dep habarlaıdy Egemen.kz.
Bul týraly onlaın brıfıng barysynda Narıman Tabynbaev málim etti
«Koronavırýstyń tórtinshi tolqynyna daıyndyq júrip jatyr. Biz 3 túrli ssenarıı ázirledik. Birinshisi, ol bir táýlikte 400 -den 800-ge deıin jaǵdaı tirkeletin bolsa, onyń ishinde 450 naýqas aýrýhanaǵa tússe, onda tósek-oryn sanyn 3700 deıin kóbeıtemiz. Oǵan 4460 medısına qyzmetkeri jumyldyrylady. Ekinshisi, ıaǵnı bir táýlikte 1200-1500 koronavırýs jaǵdaıy anyqtalsa, onda tósek-oryn 7 myńǵa deıin ulǵaıtylady.
Medısına mamandarynyń sany alty myńnan asatyn bolady. Úshinshi satysy, jaǵdaı kúrdelenetin bolsa, onda stasıonarlardaǵy tósek oryndy 10 myńǵa deıin jetkizemiz», dedi basqarma basshysy.