Fýtboldan Eýropa chempıonatynyń pleı-off kezeńindegi básekeler jankúıerlerge kún saıyn sensasııalar syılaýda. 1/8 fınaldyń dúısenbi kúngi oıyndarynda Horvatııa men Ispanııa quramalary kezdesip, Lýıs Enrıkeniń komandasy qosymsha taımda shırek fınalǵa joldama aldy. Al ekinshi matchta Shveısarııa quramasy osy týrnırdiń basty favorıti sanalǵan Fransııa quramasynan basym túsip, shırek fınal joldamasyn qaltaǵa basty. Atalǵan eki matchta jankúıerler 14 goldyń kýási boldy.
Horvatııa – Ispanııa – 3:5Birsydyrǵy ótip jatqan matchtyń ajaryn alǵash bolyp Ispanııa qaqpashysy Ýnaı Sımon kirgizdi. Alań ortasynan qorǵaýshy Pedrıdiń bergen ekpindi pasyn durys toqtata almaǵan 24 jastaǵy qaqpashy Horvatııa quramasynyń esepte alǵa shyǵýyna jaǵdaı jasap berdi. Artynsha ÝEFA goldy Pedrıdiń enshisine jazdy. Qalaı bolǵanda da bul – avtogol. Ári bul – bıylǵy chempıonatta tirkelip otyrǵan toǵyzynshy avtogol. Esepte basymdyqqa ıe bolǵan soń horvattar belsene qımyldap, tablodaǵy kórsetkishti arttyra túsýge tyrysqan. Alaıda oıynnyń 38-mınýtynda Pablo Sarabııa gol soǵyp, tarazy basyn teńestirip ketti. Úziliske quramalar osyndaı teń jaǵdaıda attandy.Ekinshi taımda Ispanııa quramasy ózgerdi. Toptyq kezeńdegi súreńsiz qurama keıpinen arylyp, belsendirek qımyldaýǵa kóshti. 57-mınýtta Sesar Aspılıkýeta týrnırdegi alǵashqy golyn soǵyp, komandasyn alǵa shyǵardy. «Chelsı» qorǵaýshysynyń jolyn jas shabýylshy Ferran Torres sátti jalǵastyrdy. Torres 76-mınýtta Horvatııa qaqpasynan sańylaý taýyp, match núktesin qoıǵandaı bolǵan. Degenmen Zlatko Dalıch komandasynyń sońyna deıin oınaıtynyn jankúıerler jaqsy biledi. «Shaqpaq jeıdeliler» bul oıynda da sol minezinen taımady. Sımon qaqpasy mańyndaǵy qarbalas sátinde Mıslav Orshıch kapıtan Modrıchten kelgen pasty teýip úlgerdi. Qarbalas sátte Sımon dopty qaıtarǵandaı bolǵan edi, biraq sál kidiris jasaǵan bas tóreshi Júneıt Chakyr «Atletık Bılbao» qaqpashysy dopty syzyqtyń ishinen qaıtarǵanyn aıtyp, goldy esepke aldy. Sóıtip, esep aıyrmasy qysqardy. Áıtkenmen, bul biz kóretin spektakldiń sońy emes eken. Ekinshi taımǵa qosylǵan qosymsha mınýt túgesiler tusta sol qaptaldan áýelete asyrǵan Orshıchtiń pasyna birinshi jetken Marıo Pashalıch esepti teńestirip ketti. Sóıtip, eki komanda aıqasty overtaımda jalǵastyrdy. 10 mınýty kem shırek fınalda turǵan Ispanııa osylaısha qosymsha eki taım oınaýǵa májbúr boldy. Biraq ekstra-taımda «Qyzyl fýrııa» fýtbolshylary Horvatııa qaqpasyn eki márte dál kózdep, báribir buıyryp turǵan ¼ kezeń joldamasyn ıelendi. 100-mınýtta Alvaro Morata esepti 3:4-ke jetkizse, izinshe Mıkel Oıarsabal Ispanııanyń besinshi golyn soǵyp, matchtyń núktesin qoıdy. Ári qaraı Horvatııa quramasy esh shara isteı alǵan joq. Ispanııa shırek fınalǵa úlken qıyndyqpen joldama aldy.
Fransııa – Shveısarııa – 3:3Kopengagende ótken Ispanııa – Horvatııa arasyndaǵy oıynnyń jeńimpazy qosymsha mınýtta anyqtalsa, Býharesttegi Fransııa – Shveısarııa kezdesýiniń negizgi jáne ekstra-taımy 3:3 esebimen teń aıaqtalyp, jeńimpaz komanda oıyn sońyndaǵy penaltı serııasynda belgili boldy. Bul synda shveısarııalyqtar 2018 jylǵy álem chempıondarynan 5:4 esebimen basym tústi.Eýropa chempıonaty bastalǵanǵa deıin barlyq fýtbol mamandary Fransııa osy birinshiliktiń aıqyn favorıti ekenin qaıtalaı berýden esh jalyqqan joq. О́ıtkeni «Úsh jolaqty eldiń» fýtbolshylary – osydan úsh jyl burynǵy álem chempıonatynyń jeńimpazy. Sondaı-aq Fransııa bıylǵy Eýropa chempıonatyna dál sol Reseı tórindegi dop dodasynda jasyndaı jarqyldaǵan álemdik deńgeıdegi juldyz fýtbolshylarymen keldi. Úsh jyldyń ishinde Mbappe jas jaǵynan da, oıyn sheberligi jaǵynan da ósti, Kante mansabyndaǵy taǵy bir úzdik maýsymyn ótkizdi, Pogba da úlken azamat bolyp, durys oıyn kórsete bastady. Benzema da ulttyq quramaǵa qaıta oraldy degen sııaqty.Toptyq kezeńnen keıin Fransııa quramasynyń bas bapkeri Dıde Desham shákirtteriniń óz ózderine degen senimdiligi joǵarylaǵanyn atap ótken edi. Sebebi fransýzdar Portýgalııa, Germanııa jáne Majarstannan quralǵan «ólim» tobynda birinshi orynmen kelesi kezeńge ótken bolatyn. Al toptyq oıynda Túrkııanyń óte senimsiz oıyndarynyń arqasynda úshinshi oryn alyp, áreń degende pleı-offqa shyqqan Shveısarııa 1/8 fınalda fransýzdarǵa qıyndyq týdyrady degenge eshkim sene qoıǵan joq edi. Býharestte ótken kezdesýdiń esebin birinshi bolyp Shveısarııa quramasy ashty. 15-mınýtta Stıven Sýberden tamasha pas alǵan Harıs Seferovıch mergendik tanytyp, Ýgo Lorısti qapy qaldyrdy. Birinshi taımnyń qalǵan bóligi teń jaǵdaıda ótti. Alǵashqy 45-mınýtta Fransııa fýtbolshylary Shveısarııa qaqpasyna 7 soqqy jasaǵanymen, onyń birde-bireýi qaqpaǵa dál baǵyttalǵan joq.Ekinshi taımnyń basynda Shveısarııa eseptegi basymdyqty eseleıtin múmkindikti múlt jiberdi. Rıkardo Rodrıgo 11 metrlik aıyp dobyn soǵa almady. Al 57 jáne 59-mınýttarda dýbl avtory atanǵan Kárim Benzema oıyn taǵdyryn múlde basqa arnaǵa buryp jibergendeı edi. 75-mınýtta Pol Pogbanyń aıyp alańynyń syrtynan soqqan ǵajaıyp golynan keıin eshkim de Fransııanyń jeńisine kúmán keltirmegen bolatyn. Alaıda bul jaqta da týra Horvatııa-Ispanııa matchynyń jaǵdaıy qaıtalandy. 81-mınýtta Harıs Seferovıch ekinshi golyn soqsa, 90-mınýtta Marıo Gavranovıch Fransııa qaqpasynan sańylaý taýyp, tarazy basyn teńestirip ketti.Qosymsha taımda bir-biriniń qaqpasyna gol soǵa almaǵan soń quramalar ózara jeńimpazdy anyqtaý úshin penaltı serııasyna júgindi. Al bul synda shveısarııalyqtardyń joly boldy. Sheshýshi soqqyny oryndaýǵa shyqqan Kılıan Mbappe Shveısarııa qaqpashysy Iаnn Zommerdi qapy qaldyra almady. Osylaısha, Fransııa quramasy sensasııaly jaǵdaıda týrnırdi aıaqtap, eline júldesiz qaıtýǵa májbúr boldy. Al Shveısarııa quramasy shırek fınalda Ispanııaǵa qarsylas atandy. Oıyn 2 shilde kúni Sankt-Peterbýrgte ótedi.Mine, biz, jankúıerler Eýropa chempıonatyn bes jyl asyǵa kútkennen keıin dál osyndaı oıyndardy kórýge ábden laıyq boldyq jáne fýtbolshylar biz qalaǵandaı, biz kútkendeı matchtardy usynýda.