«Tobyl» men «Qaırat» teń tústi

Týrdyń ortalyq oıy­ny týrnır kestesinde úz­dik úshtiktiń qatarynda kele jatqan Qostanaıdyń «To­by­ly» men Almatynyń «Qaı­­raty» arasynda ótti. Úsh upaı úshin jan alysyp, jan be­risken básekede komanda­lar­dyń kúshteri teń boldy. Qosta­naıdaǵy Ortalyq stadıonda uıymdastyrylǵan kezdesýde komandalar tórt gol soǵyp, match 2:2 esebimen aıaqtaldy. 18-týrdyń bir kún bu­ryn­ǵy oıynynda «Asta­nanyń» syrt alańda «Qyzyl­jar­dan» jeńilip, úsh upaıdan qa­ǵyl­ǵany «Tobylǵa» da, «Qaı­rat­qa» da tıimdi boldy jáne bul eki komandaǵa da qosymsha mo­tıvasııa syılady. О́ıtkeni bul kezdesýde «Tobyl» je­ńiske jetetin bolsa, týrnır kes­tesinde «Astanadan» úsh upaıǵa, «Qaırattan» segiz upaı­ǵa alystap, chempıonatta jeke-dara kósh bastaıtyn edi. Al ońtústikastanalyq ujym úsh upaıǵa ıelik etse, onda ara­daǵy upaı sanyn ekeýge deıin qysqartyp, týrnır keste­sindegi jaǵdaıdy odan ári shıe­lenistirip jiberetin edi. Bul, árıne, eń birinshi qazaqstandyq fýtbol jankúıerlerine tıimdi-tin. Sebebi qalǵan týrlarda kóshbasshy komandalar meı­linshe upaıdan shashaý shyǵar­maı, jınaqy jáne jankúıer­lerge unaıtyn tartysty oıyn kórsetedi. Eger jankúıer­lerde matchtyń ssenarııin ja­zýǵa, aldyn ala josparlaýǵa múm­kindik bolǵanda, keshegi «Tobyl» men «Qaırat» arasyn­daǵy oıynnyń sharyqtaý shegi týrnır kestesiniń shıe­le­nisýimen aıaqtalar edi. Degenmen, bul kezdesý «As­tana» fýtbolshylarynyń jáne jankúıerleriniń qýanyshyna oraı teń eseppen aıaqtaldy. Oıyndy kóterińki kóńil-kúı­de bastaǵan «Qaırat» fýt­bolshylary 23-mınýtta esepti ashty. Gol avtory – Ar­týr Shýshenachev. Bul – Ar­týr­dyń qatarynan sońǵy úsh oıynda soqqan úshinshi goly, al bıylǵy chempıonattaǵy jal­py jetinshi doby. Osy nátı­je­siniń arqasynda ol úzdik sur­mergender qataryna qosyldy. Birinshi taımnyń sońyna deıin qonaqtardyń esepti eseleıtin tamasha múmkindikteri bol­ǵan edi, alaıda Vagner Lav ta, Artýr Shýshenachev te óz múm­kin­dikterin tıimdi paıda­lana almady. Sóıtip birin­shi 45 mınýt 0:1 esebimen «Qaı­rat­tyń» paıdasyna aıaqtaldy. Úzilis kezinde Aleksandr Moskalenkodan tıisti aqyl-keńes alǵan alań ıeleri oıyn­da­ryna ózgeris jasap, nátı­jesinde 53-mınýtta Rýslan Valıýl­lınniń arqasyn­da tarazy basyn teńes­tirildi. Arada 13 mınýt ótken­de Azat Nurǵa­lıev­tiń aıyp alańy­na asyr­ǵan pasyn qaıta­rý­ǵa tyrys­qan Rade Dýga­lıch abaı­syzda óz qaqpa­syna gol soǵyp, «To­byldy» alǵa shyǵardy. Osy goldan keıin stadıonǵa jı­nal­ǵan jankúıerler de, oıyn­dy teledıdar arqyly ta­ma­sha­laǵan kórermender de alań ıelerine úsh upaıdy us­tata salǵan. Alaıda ekin­shi taım­da «Tobyldyń» oıy­nyn kú­sheıtý úshin alańǵa shyq­­qan Serikjan Mujyqov 73-mı­nýt­ta joq jerden qy­zyl qaǵaz alyp, alańnan qýyl­dy. 10 oıynshymen qalǵan qosta­­naı­lyqtar qorǵanystyń jos­paryn oılastyramyz de­gen­she arda­ger fýtbolshy Vagner Lav mer­gendigimen kózge túsip, tara­zy basyn teńestirip ketti. Qalǵan 14 mınýtta tablodaǵy 2:2 esebi tóreshiniń sońǵy ys­qy­ryǵyna deıin ózgerissiz qaldy. Bir qyzyǵy, eki klýb ara­syn­da birinshi aınalymdaǵy kez­desýde de osyndaı esep tir­kelgen bolatyn. Oraldaǵy «Aqjaıyq» sta­dıo­nynda ótken oıynda «Aqja­ıyq» Jambyldyń «Tarazyn» qabyldap, iri eseppen jeńiske jetti. Oıyndaǵy alǵashqy gol­dy 29-mınýtta Dmıtrıı Mı­chýrenkov penaltıden soqty. Al 69-mınýtta Mıram Sapanov esepti eselese, araǵa eki mınýt salyp Vıacheslav Shvyrev matchtyń núktesin qoıdy. Chempıonatty táp-táýir bastaǵan Aqtaýdyń «Kaspıı» klýby keıingi týrlarda súreńsiz oıyn kórsetip júr. 16-týrda óz alańynda «Qaısardan» 2:4 ese­bimen jeńilse, 17-týrda syrt alańda «Qaıratty» uta almady. Al mine, 18-týrda chempıo­nattyń debıýtanty Túrkis­tannyń «Turanymen» Aqtaýda upaı bólisýge májbúr boldy. «Jas Qanat» stadıonynda ótken kezdesý 0:0 esebimen aıaqtaldy. Sonymen qatar Atyraýda ótken 18-týrdyń sońǵy oıy­nynda da teń esep tirkeldi. О́z alańynda Qyzylordanyń «Qaısaryn» qabyldaǵan «Aty­raý» kezdesýdiń esebin birinshi bolyp ashqanymen, ekinshi taımnyń 74-mınýtynda qonaqtar tarazy basyn teńes­tirip ketti. Alań ıelerinen Petr Gjelchak mergendik ta­nyt­sa, «Qaısar» sapynan Dý­man Nárzildaev gol soqty. 2 jáne 3 shilde kúnderi ótetin 19-týr oıyndarynda «Qaı­rat» – «Atyraý», «Asta­na» – «Shahter», «Aqtóbe» – «Aq­jaıyq», «Turan» – «To­byl», «Qaısar» – «Ordabasy» jáne «Jetisý» – «Qyzyljar» koman­dalary synǵa túsedi. Osy oıyndardan keıin Qazaq­stan chempıonaty eki aı úzi­liske shyǵyp, matchtar qyr­kúıekte jalǵasady. Bul ýaqyt aralyǵynda komandalar Qazaq­stan kýbogy oıyndaryna jáne Eýrododa básekelerine qa­ty­sady.