2021 jyly 4 shildede «Jana Dunie» QQ «Qaıyrymdy ister marafony» jobasynyń aıasynda Qapshaǵaı tas jolyn vandaldyq jazbalardan tazartýǵa baǵyttalǵan aksııa ótkizedi, dep habarlaıdy Egemen.kz.
Pandemııa men shekaralardyń jabylýy ishki týrızmdi damytýdyń jańa múmkindikterine jol ashty. Keıingi bir jarym jyldyń ishinde qazaqstandyqtardyń kóbi jergilikti týrıstik baǵdarlarǵa kóbirek kóńil bóle bastady. Alaıda Qazaqstannyń tabıǵı kórneki oryndary men qasıetti jerlerinde týrıster ózderinen keıin tastap ketetin qoqystar men «jartasqa jazylǵan jazýlardyń» da sany kóbeıip ketti. Osy rette ekologııalyq aksııa qazaqstandyqtardyń nazaryn osy problemaǵa aýdartyp, tabıǵatqa bastapqy kórki men biregeı sulýlyǵyn qaıtarýdy kózdeıdi.
Jobaǵa «Kazakh Tourism», «Amaty VitRina», fotograftar birlestigi men qazaqstandyq tıktokerler qoldaý bildirdi. Mundaı aksııalar Qazaqstannyń birneshe aımaǵynda, atap aıtqanda Qarqaraly memlekettik ulttyq tabıǵı parki men Býrabaıda ótken.