Almaty qalasynda 2 shildeden bastap turǵyn úı sertıfıkattaryn alýǵa ótinishter qabyldaý bastalady. Olardy «Shańyraq» pen «Baqytty otbasy» baǵyttary boıynsha paıdalanýǵa bolady, dep habarlaıdy Egemen.kz.
О́tinish berer aldynda «Otbasy bank» AQ-da tólem qabilettigin rastaýy qajet.
2021 jyly turǵyn úı sertıfıkattaryn berýge 2 mlrd teńge bólindi. Sertıfıkattar kezekte turǵan 2 000 adamnyń bastapqy jarnasynyń bir bóligin jabady. 1 jáne 2 toptaǵy múgedekter, múgedek balalary bar nemese olardy tárbıelep otyrǵan otbasylar, jetim balalar men ata-anasynyń qamqorlyǵynsyz qalǵan balalar, kópbalaly otbasylar qaıtarymsyz negizde 1 mln teńge somasyna turǵyn úı sertıfıkattaryn ala alady.
Sertıfıkatqa ıe bolý úshin ótinishke jeke kýálik, sońǵy alty aıdaǵy tabysy týraly anyqtama, jumys ornynan anyqtama, banktiń turǵyn úı zaemyn berýdi maquldaý týraly haty qosa berilip, turǵyn úı saıasaty basqarmasyna júginý qajet.
«Qujattar qaǵaz býmasymen qabyldanady. Turǵyn úı sertıfıkatyn berý nemese berýden bas tartý týraly habarlama úsh jumys kúni ishinde jiberiledi. Áleýmettik kómek túrindegi turǵyn úı sertıfıkaty ótinim berýshimen birge turatyn otbasy múshelerinde sońǵy alty aıda eńbek nemese kásipkerlik qyzmetten túsetin, otbasynyń árbir múshesine aǵymdaǵy qarjy jylyna zańnamada belgilengen aıyna eń tómengi kúnkóris deńgeıiniń 3,1 eselengen kórsetkishinen, ıaǵnı 106 336 teńgeden aspaıtyn ortasha tabysy bolǵan jaǵdaıda beriledi», dep habarlady turǵyn úı saıasaty basqarmasynan.
О́tinim barlyq talaptarǵa saı bolyp, sertıfıkat tabystaý maquldanǵan jaǵdaıda turǵyn úı sertıfıkatynyń somasyn aýdarýdyń eń uzaq merzimi bes jumys kúnin quraıdy.