Densaýlyq saqtaý mınıstrligi KVI naýqastarynan alynǵan oń zerthanalyq úlgilerdiń PTR skrınıngin ótkizdi, dep habarlaıdy Egemen.kz.
2021 jyldyń 1 shildesine Úndi shtamyn anyqtaý úshin 414 synamanyń PTR skrınıngi ótkizildi. Nátıjesi boıynsha 48,3% Úndi shtamy barlyq oblys pen Nur-Sultan, Almaty, Shymkent qalalarynda tabyldy.
Mýtasııanyń bolýyn jáne onyń «Delta» shtamyna jatatyndyǵyn túpkilikti rastaý úlgisiniń DNQ tolyq genomdyq rettiligi aıaqtalǵannan keıin anyqtalady.
Delta shtamyn juqtyrǵan naýqastarda aýrýdyń tez damýy, jas naýqastar sanynyń kóbeıýi, ishek aýrýlary belgileriniń bolýy baıqaldy. Sondaı-aq balalar men júkti áıelder arasyndaǵy jaǵdaı máz emes.
Osyǵan baılanysty densaýlyq saqtaý mınıstrligi qazaqstandyqtardan óziniń jáne jaqyndary men týystarynyń densaýlyǵyna qamqorlyq tanytýyn suraıdy.
Infeksııadan qorǵaýdyń jalǵyz ádisi - COVID-19-ǵa qarsy vaksınasııasy.
Sonymen qatar vırýstyń taralý qaýpin azaıtý úshin maska taǵý, áleýmettik qashyqtyqty saqtaý, qol gıgıenasy, úı-jaılardy jeldetý jáne t. b. aldyn alý sharalaryn saqtaý qajet:
Dúnıejúzilik densaýlyq saqtaý uıymynyń derekterine súıensek, 2021 jylǵy 1 shildedegi jaǵdaı boıynsha «Delta» SARS-CoV-2 shtamy álemniń 96 elinde anyqtalǵan.