Saıası qýǵyn-súrgin qurbandaryn tolyq aqtaý jónindegi memlekettik komıssııa qazir óte qarqyndy jumys istep jatyr. Bul týraly Prezıdent Ákimshiligi Basshysynyń birinshi orynbasary Dáýren Abaev «Ashyq dıalog» alańynda aıtty, dep habarlaıdy Egemen.kz.
D.Abaevtiń aıtýynsha, qujattar men arhıv jiti zerttelý ústinde. Bul iste eshqandaı naýqanshyldyq, tendensııaǵa boı urý, tarıhty ıdeologııalandyrý talpynysy joq.
«Bizdiń mindetimiz óte aıqyn – qujattar men dálelderge arqa súıep qana tarıhtyń aqtańdaqtary men tragedııalyq tustaryna jaryq túsirý. Mysaly, HIH ǵasyrdyń aıaǵy men HH ǵasyrdyń 30 jyldary aralyǵynda Qazaqstanda 370-ten astam kóterilis bolǵan. Keıde ony sarbadar kóterilisteri dep te ataǵan. Olardyń bárin asharshylyq pen ujymdastyrýdyń aýyrtpalyǵy, sol kezdegi bıliktiń basqynshylyq ádisteri týyndatqan. Sol oqıǵalarǵa qatysqan adamdar resmı sottalyp, «bandıt» retinde esepke alyndy. Áli kúnge deıin qujattarda solaı júr. Bizdiń mindetimiz osy sııaqty máselelerdiń anyq-qanyǵyn anyqtap, shyn máninde qylmysker bolmaǵan adamdardy aqtaý», deıdi Dáýren Abaev.