QR Aýyl sharýashylyǵy mınıstrligi óńirlerdegi azyq-túlik jaǵdaıyna baılanysty aptalyq manıtorıngin jarııalady, dep habarlaıdy Egemen.kz.
QR Aýyl sharýashylyǵy mınıstrligi óńirlerdegi negizgi azyq-túlik jaǵdaıyna apta saıyn monıtorıng júrgizip otyr. Onda turǵyndardyń 32 túrli taýarmen qamtamasyz etilýi nazarǵa alynǵan. Ol úshin turaqtandyrý qorlaryndaǵy, iri saýda jelilerindegi, jetkizýshiler men qaıta óńdeý kásiporyndarynyń qoımalaryndaǵy qor eskeriledi.
О́ńirlerdiń jedel derekterine sáıkes, qazirgi ýaqytta respýblıka boıynsha 795 myń tonna kóleminde túrli azyq-túlik taýarlarynyń qory bar. Onyń ishinde óndirýshi kásiporyndarda 298 myń tonna, qoımalarda – 93,2 myń tonna, saýda jelilerinde – 353,2 myń tonna, turaqtandyrý qorlarynda – 19,8 myń tonna qor bar. Sonymen qatar 325 mln jumyrtqa men 3,5 mln tonna azyq-túlik bıdaıy bar.
«Osyǵan oraı, tez buzylatyn ónimderdiń qory bir apta nemese odan da kóp ýaqytqa, al uzaq merzimdi saqtaý ónimderiniń birneshe aıǵa jetkilikti qory jınaqtalǵan. Aıta keter jáıt, azyq-túlik óndirisi artyp keledi jáne qorlar únemi jańartylyp, tolyqtyrylyp otyrady. Sondyqtan olar boıynsha tapshylyq joq jáne kútilmeıdi», delingen mınıstrlik habarlamasynda.