Astana Finance Days alańynda shaǵyn jáne orta bıznesti qoldaý baǵdarlamalary talqylandy, dep habarlaıdy Egemen.kz.
Astana halyqaralyq qarjy ortalyǵy «Shaǵyn jáne orta bıznesti qoldaý – Orta Azııanyń damýynyń basty baǵyty» taqyryby boıynsha paneldik sessııa ótkizdi.
Sessııaǵa qatysýshylar óńirdegi shaǵyn jáne orta bıznestiń jaı-kúıi men múmkindikterin, sıfrlandyrý, elektrondyq kommersııa, kásipkerlerge arnalǵan jańa qarjy ónimderi men servısterdi damytý máselelerin talqylady.
AHQO baspasóz qyzmetiniń habarlaýynsha, shaǵyn jáne orta bıznesti sıfrlandyrýǵa COVID-19 pandemııasy kúshti serpin berdi. Baılanyssyz tólemderdiń, elektrondyq kommersııanyń, P2P aýdarymdardyń jáne sıfrlyq emıssııanyń damýyn yntalandyrdy. Nátıjesinde shaǵyn jáne orta kásiporyndar qyzmetine eleýli ózgeris endi. Sondaı-aq shaǵyn jáne orta bıznestiń 82%-y taýar men qyzmetterdi ınternette satý men nasıhattaý jáne janasýsyz tólemderdi qabyldaý esebinen bıznes júrgizý tásilin ózgertti. Qazaqstan smartfondy tólemderdi qabyldaý termınalyna aınaldyratyn Visa Tap to Phone tehnologııasyn óristetý boıynsha álemdik kóshbasshyǵa aınaldy.
Aıta keteıik, sıfrlyq tólemder salasyndaǵy álemdik kóshbasshy Visa Qazaqstandaǵy mıkro, shaǵyn jáne orta bıznestiń jaı-kúıine zertteý júrgizgen bolatyn. Nátıjesinde Qazaqstandaǵy kásipkerlerdiń bıznesti júrgizý úshin sıfrlyq múmkindikterdi barynsha belsendi paıdalanatyny anyqtaldy. Atap aıtqanda, 63%-nyń saıty nemese áleýmettik jelide akkaýnty bar, jelide qyzmeti men taýaryn jarnamalaıdy. 42%-nyń onlaın jáne oflaın satý núkteleri bar. Al 18%-y ónimdi tek onlaın satady.
Shara AHQO Fintech Hub Astana Finance Days 2021 halyqaralyq konferensııasy sheńberinde ótti.