QR Premer-Mınıstriniń orynbasary Eraly Toǵjanovtyń tóraǵalyq etýimen«Arhıv isiniń ózekti máseleleri jáne damý josparlary» atty respýblıkalyq keńes ótti, dep habarlaıdy Egemen.kz.
Keńeste otandyq arhıv salasynyń qazirgi jaı-kúıi, arhıv isi jáne qujattama salasynda normatıvtik-quqyqtyq bazany jetildirý, arhıv isinde zamanaýı aqparattyq tehnologııalardy qoldaný, arhıvterdiń materıaldyq-tehnıkalyq jabdyqtalýy, «Arhıv – 2025» keshendi josparynyń iske asyrylýy, Saıası qýǵyn-súrgin qurbandaryn tolyq aqtaý jónindegi memlekettik komıssııamen birlese jumys júrgizýdiń jaı-kúıi jáne basqa da ózekti máseleler talqylandy.
Keńeske Mádenıet jáne sport mınıstri A.Raıymqulova, Parlament Májilisiniń depýtaty A.Sarym, qoǵam qaıratkeri S.Qasymov, Arhıv isteri jáne qujattamany basqarý komıtetiniń tóraǵasy Q.Borash jáne t.b. qatysty.
Keńes aıasynda qujattyq kórme uıymdastyrylyp, alǵash ret arhıv isine úles qosqan sala ardagerleri «Arhıv salasynyń úzdigi» tósbelgisimen marapattaldy.