Túrkistanda QR Tuńǵysh Prezıdenti – Elbasy Nursultan Nazarbaevqa eskertkish qoıyldy. Bıiktigi 4 metr bolatyn qola músinniń avtory – Qazaqstannyń eńbek sińirgen qaıtartkeri, QR Sýretshiler odaǵynyń múshesi Tileýberdi Bınash, dep habarlaıdy Egemen.kz.
Túrkistandaǵy jańa ákimshilik-iskerlik ortalyǵynda ornatylǵan músinniń kompozısııasynda «Uly Dalanyń Uly» atty Elbasy eskertkishinde qart Qarataýdyń sulbasy beınelengen. Avtor Elbasynyń Qarataý jazyǵynda sheksiz dalaǵa baıyppen qaraǵan sátin sýrettegen.
Elbasy Nursultan Ábishuly Nazarbaevqa eskertkish qoıý týraly bastamany kásipker Bolatbek Alıev kóterip, atalǵan ıdeıaǵa túrkistandyq ardager-aqsaqaldar, zııaly qaýym ókilderi, máslıhat depýtattary men kásipkerler, qoǵamdyq uıym ókilderi qoldaý bildirgen bolatyn. Oblys ákimine úndeý jazǵan turǵyndardyń ótinish-tilekteri Ortalyq memlekettik organdar kelisimimen júzege asty.
Oblystyq baspasóz qyzmetiniń habarlaýynsha, Túrkistan qalasynyń ákimdigi atalǵan bastama úshin jergilikti turǵyndar arasynda saýalnama júrgizdi. Saýalnamaǵa 1000 respondent qatysyp, olardyń 93%-y bastamany qoldaıtynyn bildirgen bolsa, respondentterdiń 4,5%-y qarsy, 2,5%-y beıtarap pozısııany ustanǵan.
Eskertkishtiń saltanatty ashylýyna Qazaqstan halyq ártisi, Memleket jáne qoǵam qaıratkeri Asanáli Áshimov, «Ardagerler uıymy» respýblıkalyq qoǵamdyq birlestiginiń tóraǵasy О́mirzaq Ozǵanbaev, Qazaqstan Ulttyq Ǵylym Akademııasynyń Prezıdenti, akademık, hımııa ǵylymdarynyń doktory, professor Murat Jurynov, Qazaqstan Respýblıkasy memlekettik Eltańbasynyń avtory Jandarbek Málibekov, Jazýshy, halyqaralyq «Alash» ádebı syılyǵynyń laýreaty Marhabat Baıǵut, Qalamger, halyqaralyq «Alash» ádebı syılyǵynyń laýreaty, qoǵam qaıratkeri Kópen Ámirbek, Qazaqstan Respýblıkasynyń Parlamenti Májilisiniń depýtaty Darhan Myńbaı, Túrkistan oblysy «Ardagerler uıymy» qoǵamdyq birlestiginiń tóraǵasy Jeńisbek Máýlenqulov qatysty.
Sharada sóz alǵan Ardagerler uıymy» respýblıkalyq qoǵamdyq birlestiginiń tóraǵasy О́mirzaq Ozǵanbaev osyndaı eleýli sáttiń kýási bolǵanyna qýanyshty ekenin jetkizdi.
«Túrkistan óńiriniń halqynyń ótinishimen, kásipkerlerdiń bastamasymen kóne shaharǵa jańa lep ákelgen, túrki ıntegrasııasynyń iske asyrý ıdeıasyna muryndyq bolǵan, Túrkistanǵa tarıhı mártebesin qaıtarǵan Elbasynyń eren eńbegin joǵary baǵalaı otyryp, oblys ortalyǵy Túrkistanda Nursultan Ábishuly Nazarbaevtyń eskertkishi ashyldy. Bul – táýelsiz eldiń shekarasyn shegendep, Qazaq elinde tynyshtyq pen berekeni negiz etken Elbasyna alǵys retinde jáne túrki elderiniń basyn qosýǵa múddeli bolǵan túrki áleminiń dana aqsaqalyna degen erekshe qurmet», dedi qoǵam qaıratkeri.