Aqmola oblysy Kindik - qaraǵaı aýylynyń turǵyny Aqaıdar Daıyrov hımııalyq qospasyz baıpaq (pıma) tigý isin qolǵa aldy. Bul týraly «24 kz» habarlady.
Úıiniń janynan ashylǵan shaǵyn sehta Aqaıdar Daıyrov kúnine 2-3 jup baıpaq tigip shyǵarady. Bul azamat elektr qýatyn tıimdi paıdalanýdy oılastyryp, baıpaq basýǵa arnalǵan ystyq sýdy qaıta paıdalanyp, aıaq kıimdi keptirýge qoldanady eken. «Bizdiń ata-babalarymyz baıpaqty daıyndaý sátinde kúkirt qyshqylyn qoldanbaǵan. Men osyny negizge ala otyryp, ónimdi sapaly shyǵarýǵa kóńil bóldim. Jalpy, kúkirt qyshqyly qosylmaǵan baıpaq (pıma) birinshiden - jumsaq , ekinshiden jyly, úshinshiden tózimdi bolady», - deıdi sóz oraıynda A. Daıyrov.
Qazir kásipkerdiń baıpaqtaryn alys aýyl turǵyndary da satyp alýda. Tipti arnaıy tapsyrys beretinder de barshylyq. Kásipkerdiń zaıyby Qalııa Sabyrqyzy baıpaqty tigý barysynda aldymen júndi ólshep alatynyn aıtady. Sosyn ony shúberekke orap, eki bilekke salyp, ıleıdi eken...
Bul otbasy aldaǵy ýaqytta jergilikti bılik tarapynan qoldaý bildirilse, baıpaq zaýytyn ashýdy kózdep otyr. О́ıtkeni, soltústik aımaqqa asa qajetti baıpaqtardyń (pıma) 85 paıyzy qazir Reseı elinen tasymaldanýda. Onyń ústine bul aıaq kıimdi tigýge jergilikti óńirde qoı júni jetkilikti kórinedi.
Baqytbek Keneshuly.
Derekkóz: «24 kz»
Foto: «24 kz».