Atyraý oblysynda koronavırýs ınfeksııasyna qarsy vaksınalardyń I komponentin 100 myńnan astam adam saldyrdy, dep habarlaıdy Egemen.kz.
Oblystyq densaýlyq saqtaý basqarmasynyń baspasóz qyzmetinen málim etkendeı, 6 shildede «Spýtnık V», «QazVac», «Hayat-Vax» vaksınalarynyń I komponentin jergilikti 2 640 jergilikti turǵyn alǵan.
«Vaksına saldyrǵandardyń arasynda 75 dáriger, 185 pedagog, 77 stýdent, 35 memlekettik qyzmetshi, sozylmaly aýrýy bar 178 adam men jergilikti 2 078 turǵyn bar. Sondaı-aq, arnaıy mekemelerdiń 8, quqyq qorǵaý organdarynyń 3 qyzmetkeri vaksına ektirdi», dep habarlady basqarmanyń baspasóz qyzmeti.
Jappaı vaksınalaý bastalǵannan beri, ıaǵnı 1 aqpan-6 shilde aralyǵynda qaýipti vırýsqa qarsy vaksınalardyń I komponentin 100 919 adam saldyrǵan. Vaksınalardyń II komponentin alǵandar sany 54 495 adamǵa jetken.