Parlament Májilisiniń depýtattary Dúısenbaı Turǵanov pen Serik Erýbaev Atyraý munaı óńdeý zaýytynyń ekologııalyq jobalarymen tanysty, dep habarlaıdy Egemen.kz.
Zaýyttyń bas dırektory Shýhrat Danbaıdyń málimetinshe, maýsym aıynda josparǵa sáıkes, 467 myń tonna munaı óńdelgen. Al shildede munaı óńdeý kólemin 485 myń tonnaǵa jetkizý josparlanyp otyr. Qazir zaýytta táýligine 4 600 tonna benzın, 5 200 tonna dızel otyny óndiriledi.
Májilis depýtattary zaýyttaǵy TAZALYQ jobasy aıasyndaǵy jańa mehanıkalyq tazartý nysanynyń qurylys alańyna bardy. Bıyl munda tórt tehnologııalyq bloktyń ekeýin aıaqtaý kózdelip otyr. Qurylystyń qalǵan bóligi kelesi jyly aıaqtalady.
Sondaı-aq, munda býlaný alańyn rekýltıvasııalaý iske asyrylyp jatyr. Kásiporyn aýmaǵynda qaǵazǵa, shynyǵa jáne plastıkke arnalǵan birneshe túrli-tústi konteıner ornatylǵan.
«Kásiporyn aýqymdy ekologııalyq máselelerdi oń sheshýdi qolǵa aldy. Qoqysty suryptaýdyń jańa jobasyn bastady. Munyń bári qorshaǵan ortanyń tazalyǵyna septigin tıgizedi», deıdi Májilis depýtaty Dúısenbaı Turǵanov.