Saıası partııalar maqsaty – halyqtyń ál-aýqatyn arttyrý

Sammıtte alǵashqylardyń biri bolyp sóz berilgen Elbasy – Tuńǵysh Prezıdent, Nur Otan partııasynyń Tóraǵasy Nursultan Nazarbaev Qytaı Halyq Respýblıkasynyń Tóraǵasy Sı Szınpınge bul saıası is-sharaǵa qatysýǵa shaqyryp, pikir bildirýge múmkindik bergeni úshin rızashylyq bildirdi.«Búgingi sammıttiń «Halyqty baqytqa bastaý – saıası partııalar jaýapkershiligi» taqyryby óte ózekti, ol men basqaratyn Nur Otan saıası partııasy jumysynyń da negizgi mánin kórsetedi. Bıyl meniń elimniń táýelsizdigine 30 jyl tolady. Basty saıası kúsh retinde biz alǵashqy kúnnen bastap partııanyń negizgi basymdyqtaryn aıqyndap aldyq: halyq pen tutas qoǵamnyń ál-aýqatyn arttyra almasa, partııanyń jeńisteri men jetistikteriniń qundylyǵy bolmas edi», dedi Elbasy.Elbasy Qazaqstannyń táýelsizdik jyl­daryndaǵy jetistikterine erekshe toqtalyp, oǵan kóbine Nur Otan partııa­sy­na otandastarymyzdyń tarapynan kór­setilgen senim men qoldaýdyń arqa­synda qol jetkenin atap ótti.«Biz áleýmettik baǵdar ustanǵan el retinde azamattardyń laıyqty turmysy men Qazaqstannyń jańǵyrýyn qamtamasyz etý jumysyn ári qaraı jalǵastyramyz. Bizdiń maqsatymyz – 2050 jyly álemdegi damyǵan 30 eldiń qataryna qosylý», dedi Nursultan Nazarbaev.Sonymen qatar, Elbasy Qytaı tarapy bastamashy bolǵan saıası birlestikter deńgeıindegi kópjaqty dıalogke arnalǵan jańa tuǵyrnamany damytý týraly óz oıyn ortaǵa saldy.

«Covid-19 pandemııasy jahandyq syn-qaterlerdi halyqaralyq áriptestik pen bir-birimizdi qoldaý arqyly ǵana tıimdi eńsere alatynymyzdy taǵy bir márte dáleldedi. Bul tusta saıası partııalar mańyzdy ról atqara alady jáne atqarýy kerek. Osy oraıda halyqaralyq qatynastardyń qazirgi modeli teń quqyqqa, barlyq taraptyń dástúrlerin, qundylyqtary men erekshelikterin qurmetteýge negizdelýge tıis ekeni anyq», dedi Qazaqstannyń Tuńǵysh Prezıdenti.

Nur Otan partııasynyń Tóraǵasy qazir álemniń barlyq elderi arasynda Covid-19-ǵa qarsy vaksınalardy birkelki jáne ádil taratý isinde kooperasııalyq tásildi paıdalaný qajettigin aıtty.

Elbasy sondaı-aq saıası partııalardyń jahandyq syn-qaterlerdi barynsha azaıtý jáne damýdaǵy teńsizdikti azaı­tý ba­ǵy­tyndaǵy jumysynyń mańyz­dy­lyǵyn atap ótti.

«Álemde bizdiń aýdıtorııanyń úni áldeqaıda aıqyn ári qattyraq estilgeni jón. Atap aıtqanda, saıası partııalar geo­saıası shıelenisti eńserýge úles qosý úshin ózara yqpaldastyqty arttyra túsýi kerek dep sanaımyn», dedi Nursultan Nazarbaev.

Sóziniń sońynda Elbasy Nur Otan partııasy men Qytaı Kommýnıstik partııasy Qazaqstan men Qytaı Halyq Res­pýblıkasy arasyndaǵy máńgilik jan-jaq­ty strategııalyq seriktestikti nyǵaıtýǵa zor úles qosyp jatqanyn aıtty.

Jıyn barysynda Qytaı kommýnıstik partııasynyń jetekshisi Sı Szınpın sóz sóılep, álemdegi saıası partııalardy adamdardyń ál-aýqaty men adamzat progresi jolyndaǵy jaýapkershilikti óz moınyna alýǵa shaqyrdy.

«Saıası partııalar adamzattyń ilgeri­leýiniń mańyzdy kúshi retinde durys baǵytty belgilep, halyqtyń ál-aýqatyn qamtamasyz etý jáne adamzattyń alǵa jyljýyn qamtamasyz etý úshin ózderiniń tarıhı jaýapkershilikterin moınyna alýy kerek», dedi ol.

Sondaı-aq saıası partııalardy adamzattyń ortaq bolashaǵyn qalyp­tastyrý jolymen baǵyttap, adamzattyń ortaq qundylyqtaryn qoldaý jáne nasıhattaý arqyly mámilege kelýge shaqyr- dy.

«Biz búkil adamzattyń bolashaǵy úshin jaýapkershilikti sezine otyryp, jalpy, adamzattyq qundylyqtardy jeńip alýymyz kerek, ártúrli órkenıetter qun­dylyqtaryn túsinýge keń aýqymdy tózim­dilikti tárbıelep, ártúrli halyqtardyń izdenisterin qurmetteýimiz kerek», dedi Qytaı basshysy.

Sı Szınpın barlyq eldiń damý múm­kindigi men quqyǵy birdeı ekenin atap ótip, saıası partııalardyń baılyqtyń alshaqtyǵy jáne damýdyń bólinýi sııaqty úlken problemalarǵa tolyǵymen qarsy turýynyń mańyzyna toqtaldy. Sondaı-aq damymaǵan elder men aımaqtarǵa jáne kedeılengen adamdarǵa erekshe kóńil bólip, qamqorlyq jasaýǵa úndedi.

Sonymen qatar jıyn barysynda «Edınaıa Rossııa» partııasynyń Tór- aǵasy jáne Reseı Qaýipsizdik keńesi Tór­aǵasynyń orynbasary Dmıtrıı Med­vedev sóz sóıledi. Ol ótken ǵasyrda Qytaı kommýnıstik partııasy sosıalızm jolynan sátti ótkenin alǵa tartty.

D.Medvedev ózara yntymaqtastyq úne­mi damyp, Reseı men Qytaı ekijaqty já­ne memleketaralyq qatynastar sheń­berinde aýqymdy jobalardy júzege asyryp jatqanyn atap ótti.

Argentına prezıdenti, eldegi Ádilet partııasynyń tóraǵasy Alberto Fer­nandes Sı Szınpınniń baıandamasyn joǵary baǵalap, maǵynasy tereń ekenin aıtty. Onyń aıtýynsha, Qytaı basshysy saıası partııalarǵa qandaı jaýapkershilikti alý kerektigi týraly oılaýǵa kómektespek. Budan bólek, álem elderin yntymaqtastyqty nyǵaıtýǵa jáne búkil adamzatqa paıda ákeletin eko­no­mıkalyq jáne áleýmettik damýǵa yq­pal etýge shaqyrdy.

Pákistandaǵy Tehrık-ın-Insaf par­tııasynyń Tóraǵasy, Premer-mınıstr Imran Han óz sózinde saıası partııalar halyqqa shyn júrekten qyzmet ete alsa ǵana halyqtyń qoldaýyna ıe bola alatynyna nazar aýdardy.

Onyń aıtýynsha, Qytaı halyqqa baǵdarlanǵan fılosofııany qoldanyp, kedeılikpen tıimdi kúrese bildi. Qytaı­dyń COVID-19 vaksınalaryn álemdik qoǵamdyq ıgilikke bergeni meıirimdilik pen ádildikti kórsetetinin jetkiz- di.

Ispanııa Kommýnıstik partııasynyń Prezıdenti Hose Lýıs Sentellanyń paıymdaýynsha, «Bir beldeý, bir jol» bastamasy ýaqyttyń qajettilikterin qana­ǵattandyrady. Bul mańyzdy halyq­aralyq yntymaqtastyq platformasy ǵana emes, sonymen birge álemdik ekono­mı­kanyń qalpyna kelýine úlken múmkin­dik bermek.

«Qazirgi ýaqytta búkil álemdegi saıa­sı partııalar adamzattyń ortaq bola­shaǵy bar qoǵamdastyq qurýǵa belsendi qatysýy tıis. Álem aldynda turǵan ózekti máselelerdi birlesip sheshýimiz qajet», dedi Sentella.