Elimizdiń óńirlerinde Nur Otan partııasy fraksııasynyń músheleri – májilismenderdiń halyqpen kezdesýleri bastaldy.
Qazaqstandyqtardy tolǵandyratyn ózekti de túıindi máselelerdi talqylaýǵa jáne partııanyń «О́zgerister joly: Ár azamatqa laıyqty ómir!» saılaýaldy baǵdarlamasyn jergilikti jerlerde iske asyrý sapasyn taldaýǵa erekshe nazar aýdarylady, dep habarlady Nur Otan partııasynyń baspasóz qyzmeti.Nurotandyq depýtattar oblys jáne aýdan ortalyqtaryna ǵana emes, shalǵaı eldi mekenderge de barady. Ár óńirdiń ózekti máselelerin egjeı-tegjeıli qarastyrý úshin kásiporyndardyń, densaýlyq saqtaý, bilim berý mekemeleriniń eńbek ujymdarymen kezdesýler josparlanǵan. Sonymen qatar, halyq qalaýlylary azamattardy qabyldaý ótkizedi. Jalpy halyq qalaýlylary saılaýshylarmen myńnan astam kezdesý ótkizedi. Olar eki kezeńde: osy jyldyń 7-16 shildesi men 19-28 tamyzy aralyǵynda ótedi. Kezdesýler barlyq sanıtarlyq talaptardy saqtaı otyryp ótkiziletin bolady.
«Egemen-aqparat»