Shym-shytyryq oqıǵalarǵa toly týyndy fransýz kıno mamandarynyń qolynan shyqpaq. «Infınıtı» degen ataýmen jaryq kóretin bul serıal Fransııa, Ýkraına men Qazaqstanda túsirilip jatyr, dep habarlady Egemen.kz.
Serıalda ǵaryshkerlerdiń Baıqońyr aılaǵynan Halyqaralyq ǵarysh stansııasyna deıingi saıahaty kórsetiledi.
Týyndyda basty róldi qazaqstandyq akter Danııar Alshynov somdaıdy. Onyń keıipkeri Isaak Turǵyn esimdi qazaqstandyq polıseı. Odan bólek serıaldaǵy qosalqy rólderge Kann kınofestıvaliniń jeńimpazy Samal Eslámova jáne fransýz akterleri túsip jatyr. Alty serııadan turatyn fantastıkalyq týyndynyń tusaýkeseri 2022 jyldyń kókteminde ótedi dep josparlanǵan. Serıal aldymen fransýz tilinde jaryqqa shyqsa, keıin qazaq jáne basqa da tilderge aýdarylady.
«Serıaldyń jelisi Baıqońyrda ótedi. Qazaq polıseıi ǵarysh aılaǵynda ǵaryshkerdiń múrdesin taýyp alady. Osy qylmysty ashý jolynda san túrli shytyrman oqıǵalardy bastan ótkeredi. Fantastıkalyq janrdaǵy serıal kórermenderdiń kóńilinen shyǵady dep senemin», dedi rejısser Terrı Pýaro.