Qaýipsizdik sharalary jan-jaqty saqtalǵandyqtan shyǵar, Shyǵys Qazaqstan «sary aımaqta». Sońǵy málimet boıynsha, óńirde koronavırýs indeti 66 adamnan anyqtalǵan. Turǵyndardyń kóbi ekpe saldyryp, barynsha qorǵanyp-aq jatyr. Onyń ústine, birqatar mekemede, demalys oryndarda ASHYQ jobasy engizilgen.
Bul da sıfrlandyrýdyń nátıjesi ǵoı, oqshaýlaý rejimin buzǵandardy ASHYQ jobasynyń kómegimen anyqtaýǵa bolady. Qazirgi ýaqytta Shyǵys Qazaqstandaǵy ASHYQ jobasy 900-ge jýyq nysanda ornatylǵan. Atap aıtsaq, 344 qoǵamdyq tamaqtaný ornynda, 167 demalys bazasynda, avtobeket, áýejaılarda, halyqqa qyzmet kórsetý ortalyqtarynda jumys istep tur.
Al jobanyń QR kody arqyly О́skemen boıynsha esep-qısap júrgizsek, 35 uıymnan adam aıaǵy arylmaıtyn kórinedi. Olardyń qatarynda qoǵamdyq tamaqtaný oryndary, bir ýnıversıtet, balalardyń oıyn-saýyq ortalyqtary jáne jolaýshylar tasymalyn júzege asyratyn uıymdar bar eken. Semeı qalasy boıynsha aıtar bolsaq, 21 uıymnyń esigi jıi ashylady. Týrızmi damyǵan Rıdderde jobanyń QR-kodyn eń kóp paıdalanǵan bir ǵana demalys bazasy bar. Iаǵnı demalýǵa asyqqandar kóp. Aıagóz aýdanynda «Azamattarǵa arnalǵan úkimet» memlekettik korporasııasynyń fılıalyna kelýshiler kóp eken. Kóp deımiz, múmkin ASHYQ jobasyn paıdalanýǵa degen talap kúshti shyǵar.
Qazirgi ýaqytta О́skemen men Semeı «sary aımaqta» bolǵanymen, ashyqtyqty eń kóp qoldanǵan kásiporyndar «jasyl aımaqtyń» sharttary boıynsha jumys isteı alady. Oblysta ASHYQ jobasy engizilgen sátten bastap oqshaýlaý rejimin 214 azamat buzǵany anyqtaldy. Túrli nysandarǵa «qyzyl» mártebesi bar 34 adam, «sary» mártebesi bar 180 adam barýǵa tyrysqan. Quqyq buzýshylardyń eń kóbi Semeıde tirkelgen. Naqtyraq aıtsaq, 144 adamǵa qoǵamdyq orynǵa kirýge tyıym salynǵan. О́skemende 44 azamat júıeden óte almaǵan.
Mundaı erejelerge turǵyndar túsinistikpen qaraıdy. Saıyp kelgende, turǵyndardyń qaýipsizdigi, densaýlyǵy úshin atqarylyp jatqan sharalar.
Shyǵys Qazaqstan oblysy