Jambyl oblysy Shý aýdanynda 2 tonnaǵa jýyq jabaıy qarasora órteldi, dep habarlaıdy Egemen.kz.
1 maýsymnan bastap keń aýqymdy «Qarasora-2021» respýblıkalyq jedel-aldyn alý is-sharasy ótýde.
Oǵan sáıkes, esirtki quraldarynyń zańsyz aınalymyna qarsy is-qımyl jónindegi is-sharalar josparyn oryndaý aıasynda aýyl sharýashylyǵy tehnıkasyn tarta otyryp, esirtki quraldaryn joıý jónindegi kóshpeli komıssııa qurylǵan bolatyn.
«Jambyl oblysynyń Polısııa departamenti Esirtki qylmysyna qarsy is-qımyl basqarmasynyń qyzmetkerleri Shý aýdanynyń 5 gektar jer aýmaǵynda jabaıy ósken sorany shabý arqyly 1 tonna 781 keli «sora tuqymdas ósimdikti» órteý arqyly joıdy», delingen oblystyq polısııa departamenti baspasóz qyzmetiniń habarlamasynda.