Grýzııa parlamentinde oppozısııa depýtattary men úkimet ókilderi arasynda qaqtyǵys boldy, dep habarlaıdy Egemen.kz russian.rt saıtyna silteme jasap.
Buqaralyq aqparat quraldarynda atalǵan janjaldyń sebebi jaıly naqty málimetter joq. Buǵan deıin BAQ qyzmetkerleri ǵımarattyń syrtyna jınalǵan barlyq jýrnalısterdi kirgizýdi talap etip, konferensııa bólmesine basa kóktep kirgeni jaıly ǵana aıtylǵan.
Olar Premer-mınıstr Iraklı Garıbashvılıdiń otstavkaǵa ketýin suraǵan.
Narazylyqtar «Pırvelı» telearnasynyń operatory Lekso Lashkaravany Tbılısıdegi LGBT qaýymdastyǵyna qarsy mıtıng kezinde uryp-soqqannan keıin bastalǵan. Keıin er adam óz páterinde óli kúıinde tabyldy.
5 shildede tańerteń LGBT qaýymdastyǵynyń qarsylastary «Tbılısı maqtanyshy» keńsesine kirip, qaýymdastyqtyń týlaryn julyp tastady. Sondaı-aq olar kempirqosaq tústes belgileri bar adamdardy izdep, qala ortasynda júrgen. Sol kezde BAQ ókilderine de shabýyl jasalǵan.
Is-sharaǵa qatysýshylar men jýrnalısterge jasalǵan shabýyldan keıin LGBT qaýymdastyǵy uıymdastyrǵan «Abyroı marshy» taratyldy.