Nur-Sultanda ITF World Tennis Tour Tomiris W 60 serııasy týrnıriniń birinshi kúni qorytyndysy boıynsha irikteý oıyndarynyń fınalısteri anyqtaldy, dep habarlaıdy Egemen.kz QTF baspasóz qyzmetine silteme jasap.
19 jastaǵy Sofıa Chýrsına alǵashqy oıynda reseılik qurdasy Anastasııa Kovalevany jeńdi. Kezdesý 1 saǵatqa sozylyp, eki sette 6:4, 6:2 esebimen bizdiń tennısshiniń senimdi jeńisimen aıaqtaldy.Pavlodar qalasynyń týmasy alty breık-poınttyń segizin júzege asyrdy. Chýrsına negizgi kezeńge shyǵý úshin Reseıdiń taǵy bir ókili Vıktorııa Morvaıovamen kezdesedi.«Eń aldymen wild card usynǵany úshin uıymdastyrýshylarǵa alǵys aıtqym keledi. Eger match týraly aıtatyn bolsaq, bul ekeýimiz úshin de irikteý oıyndarynyń fınalyna shyǵýdyń tamasha múmkindigi edi, biraq, meniń oıymsha, búgin men qarsylasymnan góri senimdi, ári salqynqandy bola aldym», dedi oıynnan keıin Sofııa.Tatıana Nıkolenko, Karına Rezvanova, Adel Ismagýlova, Elızaveta Gnılozýbova jáne Tamara Cherkasova irikteý oıyndary birinshi kezeńinen óte almady, endi olar basqa halyqaralyq jarystarǵa daıyndalady.