Polıseıler qarjy pıramıdasy isine qatysy bar taǵy birneshe adamdy ustady, dep habarlaıdy Egemen.kz.
QR QK 217-baby 3-bólimi 2-tarmaǵyna sáıkes sotqa deıingi tergeýdiń biryńǵaı tiziliminde tirkelgen qarjy pıramıdasyn qurý jáne basqarý boıynsha «ASTEX.KZ» JShS, «ACD technology» JShS, «MUDARABAH CAPITAL» JShS jáne «MUSHARAKAH CAPITAL» JShS qyzmetkerlerine qatysty qylmystyq isti tergeý sheńberinde Almaty qalasynyń polısııasy «ACD Tehnology» negizin qalaýshy, 50 jastaǵy M. esimdi azamatty ustady.
«Basty tulǵa – K. esimdi azamat ustaldy jáne qamaýǵa alyndy. Keıinirek taǵy eki kúdikti – R. esimdi azamatsha men M. esimdi azamat ýaqytsha ustaý ızolıatoryna qamaldy. Qylmystyq ispen Almaty qalasy polısııa departamenti tergeý basqarmasynyń tergeýshileri aınalysyp jatyr», dedi Almaty qalalyq polısııa departamenti bastyǵynyń orynbasary Rústem Ábdrahmanov.