Eńbekshiqazaq aýdandyq Polısııa basqarmasynyń bastyǵy Jaqsylyq Altynbaev qolastyndaǵy qyzmetkerlerdi balaǵattap, qorlaǵan degen kúdikke ilindi, dep habarlaıdy Egemen.kz.
Áleýmettik jelilerde J.Altynbaevtyń daýysy jazylǵan aýdıomaterıal tarap jatyr. Onda shendi polıseı buryn óziniń qalaı jumys istegenin, bastyqtarynyń tapsyrmalaryn qalaı oryndaǵanyn, buıyrqty oryndaý maqsatynda qoı taratýǵa deıin barǵanyn áriptesteriniń aldynda aıtady. Alaıda, «jol kórsetken» bastyqtarynyń sózin polısııa qyzmetkerleri dıktofonǵa jazyp alyp, kópshilikke taratyp jibergen. Endi atalǵan jaǵdaıǵa qatysty tekserý júrgizilmek.
«Almaty oblysy polısııa departamenti bul jarııalanǵan materıal boıynsha taldaý ótkizgeni jaıynda habarlaıdy. Osyǵan baılanysty, Almaty oblysy PD ózindik qaýipsizdik basqarmasy aýdıojazbadaǵy daýys ıesin anyqtaý úshin fonoskopııalyq saraptama taǵaıyndap, qyzmettik tekserýdi bastady. Sonymen qatar laýazymdy tulǵanyń jarııalanǵan fotosýreti apta saıyn bólimshe basshylyǵymen ótkiziletin tikeleı efırlerdiń Instagram kontentinen alynǵanyn habarlaımyz.Tekserý nátıjeleri boıynsha laýazymdy tulǵanyń is-áreketterine zańdy túrde baǵa beriletin bolady», dedi Almaty oblystyq PD baspasóz qyzmeti.
Qyzmettik tekserý sheńberinde Eńbekshiqazaq aýdanynyń IIB barlyq jeke quramy da atalǵan jaǵdaıǵa qatysty túsinikteme beredi. Budan bólek, bólimshedegi moraldyq-psıhologııalyq ahýaldy baǵalaý maqsatynda jasyryn saýalnama da júrgizilmek.