О́skemenniń turǵyny, áskerı ardager ushqysh Nıkolaı Petınsev referendým ýchaskesine paraplanmen ushyp kelip, daýys berdi, dep jazady Egemen.kz.
«Kók aspanda qandaı jaýapkershilikti sezinseń, el erteńi úshin de solaı jaýaptysyń», deıdi zeınettegi áskerı polkovnık Nıkolaı Petınsev.
Ol ózine tıesili ýchaskeniń irgesindegi jazyqqa paraplanmen kelip qondy. Bala jastan aspandy armandaǵan ol zeınetke deıin áskerı ushaq tizgininen túspegen. Paraplanmen ǵana emes, parashıýtpen sekirýdiń de ákki sheberi.
«О́mir boıy memleket úshin eńbek etip keldim. Alpys úshke kelsem de, saıası naýqandardan qalmaımyn. Al, búgingi meniń ǵana emes, bútin Qazaqstannyń bolashaǵy», deıdi N. Petınsev.
Nıkolaıdyń aspanǵa degen qyzyǵýshylyǵy bala kezinen bastalǵan. Tipti bes jasynda-aq bolashaqta ushqysh bolatynyna senimdi bolǵan.
Esik qalasyndaǵy referendým ýchaskesine «Altyn adam» keldi
Katonqaraǵaı aýdany, Belqaraǵaı aýylynda týǵan ol 16 jasynda parashıýt sportymen aınalysa bastady. 1978 jyly avıasııalyq-sport klýbynyń bazasynda alǵash ret parashıýtten sekirgen. Keıin Barnaýldaǵy áskerı ushqyshtar ýchılıshesine túsip, kásibı ushqysh atanady. Oqýyn aıaqtaǵan soń «SÝ-24» ushaǵymen Aýǵanstanda jaýyngerlik tapsyrmalar oryndaǵan.
Almatyda «Búrkit» referendýmda óz tańdaýyn jasady
Bertin kele, ol paraplanmen ushýǵa qyzyǵyp, jańa baǵytqa bet burady. Sońǵy on jylda ol jerden góri aspanda kóbirek ýaqyt ótkizetinin aıtady. Búgingi naýqanǵa da elden erekshelenip kelip daýys berdi.
Shyǵys Qazaqstan oblysy