Qostanaı oblysynda 717 referendým ýchaskesi jumys istep jatyr. О́ńirde 536 824 azamat daýys berý quqyǵyna ıe. Turǵyndardyń mańyzdy naýqanǵa belsendi atsalysyp jatqany baıqalady. Keıbir ýchaskelerde jurt kezek kútip qalyp jatyr, dep jazady Egemen.kz.
О́zimiz baryp daýys bergen Qostanaı qalasyndaǵy №11 referendým ýchaskesinde de daýys berýshilerdiń qarasy kóp. Atalǵan ýchaskege 2 542 adam tirkelgen. Onyń 40%-na jýyǵy daýys berip úlgergen.
«Referendým ýchaskesi tańǵy saǵat 7:00-de ashyldy. Soǵan qaramastan tańereń kelgen turǵyndar kóp boldy. Ádette mundaı mańyzdy naýqanǵa qart kisiler erte keletin. Búgin baıqaǵanymyz, tańereńnen beri jastar kóp kelip jatyr. Bizdiń ýchaske boıynsha kámelet jasqa jańa tolǵan 11 azamat búgin birinshi ret daýys beredi. 17 múmkindigi shekteýli azamat, júrip-turýy qıyn qarııalar bar. Olardyń birazy jaqyn týystarymen birge ózderi kelip daýys berip ketti. Tústen keıin qalǵan 5-6 adamnyń úıine ózimiz baryp kelemiz. Komıssııamen birge 4 baqylaýshy jumys istep jatyr. Daýys berý barysynda eshqandaı oqys oqıǵa, zań buzýshylyq bolǵan joq. bári zań aıasynda, belgilengen tártip boıynsha ótip jatyr», deıdi ýchaskelik referendým komıssııasynyń tóraǵasy Gúlvıra Musabekova.
Referendým: Shetelderde 3 248 adam óz tańdaýyn jasady
№11 ýchaskege kelip daýys bergen Qostanaı qalasynyń turǵyny Rahymbaı Orazaqov jańa Konstıtýsııa jobasyn qabyldaý, qabyldamaý halyqtyń óz yqtııarynda dep esepteıdi.
«Qostanaıdaǵy «Tehnoparkte» jumys isteımin. Taıaýda zeınet demalysyna shyǵamyn. Eń bastysy, tynyshtyq, aýyzbirshilik bolsyn. Eńbek etem degen adamǵa, jumys kóp. Sol jumysty biz istemesek, kim isteıdi? Adal eńbektiń, eldegi tynyshtyqtyń arqasynda balalardy baǵyp-qaǵyp, ósirip, oqyttyq. Nemere-shóbere súıip ata bolyp otyrmyz. Balalarym da jumys istep jatyr. Densaýlyǵymyz jaqsy. Adamǵa kerektiń bári bar. Ne ishem, ne jeımin demeımiz. Osyǵan táýba deımin. Konstıtýsııa jobasyn kórdik, oqydyq. Búgin endi óz tańdaýymyzdy jasap, azamattyq boryshymyzdy óteıik dep keldik. Halyqtyń qalaýy qalaı bolatyny osy naýqannyń qorytyndysy shyqqan bilemiz. Bastysy, irgemiz bútin, aspanymyz ashyq bolsyn», deıdi Rahymbaı Orazaqov.
Atyraýda «Qyz Jibek» fılmindegi «Gákkýdi» oryndaǵan ánshi daýys berdi
Qostanaı oblysy