Almaty oblysynyń bas memlekettik sanıtarlyq dárigeriniń 15 shildedegi «Qurban aıt meıramyn ótkizý kezinde Almaty oblysy turǵyndarynyń sanıtarlyq-epıdemıologııalyq salaýattylyǵyn qamtamasyz etý týraly» qaýlysy jarııalandy, dep habarlaıdy Egemen.kz.
Qujatqa sáıkes, COVID-19 koronavırýs ınfeksııasynyń Qazaqstan Respýblıkasynyń aýmaǵynda, onyń ishinde Almaty oblysynda jıileýine baılanysty, sondaı-aq COVID-19-dyń halyq arasynda odan ári taralýyn boldyrmaý maqsatynda Almaty oblysy Qurban aıt merekesi kezinde 19 shildeden 23 shildege deıin, 16 shildeden bastap kelesi shekteý sharalary engizildi:
1) menshik nysanyna qaramastan barlyq uıymdarda, sondaı-aq jeke úı sharýashylyqtary men meshitterde adamdardyń jappaı jınalýy sıpatynda is-sharalar ótkizýge tyıym salynady;
2) kólik quraldarynda jáne jeke úı sharýashylyqtarynda mal satýǵa tyıym salynady;
3) veterınarlyq qyzmettiń resmı veterınarııalyq-sanıtarııalyq qorytyndysyn alǵan mal soıý ortalyqtary men ýchaskelerinde (veterınarııa qyzmeti bekitken tizimge sáıkes, mal soıý oryndary, aýdandardaǵy alańdar) maldy soıýdy jáne satýdy uıymdastyrý;
4) maldy tek veterınarlyq sertıfıkatpen jabyq rejımde, tek tapsyrys jáne úıge jetkizý boıynsha júzege asyrý, mal soıdyrtýǵa adam keltirmeı;
5) búkil oblystaǵy mal soıý pýnktterinde memlekettik veterınarııalyq-sanıtarııalyq baqylaý men qadaǵalaýdy kúsheıtý;
6) Qurban2021.kz veb-saıtyna ótinishter bere otyryp, qurbandyq shalý (Qurbandyq);
7) halyqqa Qurban aıt merekesin uıymdastyrý máselelerin túsindirý boıynsha call-ortalyqtyń jumysyn uıymdastyrý;
8) qajetti mólsherde tońazytqysh jabdyqtarymen, tońazytqyshtarmen jáne jeke qorǵaný quraldarymen qamtamasyz ete otyryp, tez buzylatyn ónimderdi (qurbandyqqa shalynatyn maldyń eti) muqtaj adamdarǵa tasymaldaý jáne saqtaý jónindegi sanıtarlyq-epıdemıologııalyq erejeler talaptaryn saqtaý;
9) ákimdikter janyndaǵy mobıldi toptardyń kúsheıtilgen sanıtarlyq-dezınfeksııalyq rejıminiń, epıdemııaǵa qarsy rejım talaptarynyń saqtalýyn baqylaý.