Nur-Sultanda vaksınasııalanǵandar arasynda eki iPhone12 jáne baǵaly syılyqtar oınatylady. Utys oıynyna 7 shilde men 16 shilde aralyǵynda ekpe alǵan adamdar qatysady. Olardyń sany - 53279 adam, dep jazady Egemen.kz qala ákimdiginiń resmı saıtyna silteme jasap.
Utys tikeleı efırde 17 shilde kúni saǵat 17:00-de Nur-Sultan qalasy ákimdiginiń áleýmettik jelilerinde (Facebook, YouTube) ótedi.
Esterińizge sala keteıik, iPhone12 jáne basqa da qundy syılyqtardyń alǵashqy utys oıyny 9 shildede ótti. Sol kezde avtomatty utys oıynyna vaksınasııa bastalǵan sátten bastap qalada 6 shildege deıin vaksınasııalanǵandar qatysqan.
Birge platformasynda utys oıynynyń jeńimpazdaryn anyqtaý úshin arnaıy randomaızer servısi ornatylǵan, ol vaksınasııalanǵandar arasynda ID boıynsha júlde ıegerlerin generasııa arqyly tańdaıdy. Ony ázirleýge IT-qaýymdastyq ta qatysty.
Vaksınasııalanǵandar júıesi QR Densaýlyq saqtaý mınıstrliginiń aqparattyq júıesimen biriktirilgen. Utys oıynyna qatysý avtomatty túrde ótedi, ıaǵnı ekpe alǵandarǵa qujat toltyrýdyń qajeti joq.
Elorda ákimdigi osyndaı utys oıyndaryn apta saıyn jazdyń sońyna deıin ótkizedi.
Aıta keteıik, elordada ekpe alǵandar arasynda eki bólmeli páter de oınatylady. Oǵan osy jyldyń 25 maýsymy men 31 tamyzy aralyǵynda vaksınanyń birinshi komponentin alǵan 18 jastan asqan qala turǵyndary qatysa alady.
Sondaı-aq «MEGA Silk Way» SOO vaksınasııa pýnktinde birinshi komponentpen vaksınalanǵandar arasynda avtokóliktiń utys oıyny jarııalandy.
«Atalǵan utys oıyndary azamattardy ekpe alýǵa yntalandyrý, osylaısha óz densaýlyǵyn da, jaqyn jáne aınalasyndaǵy adamdardyń densaýlyǵyn saqtaý úshin uıymdastyrylady.Sebebi, basty maqsat — ujymdyq ımmýnıtetti damytý jáne karantınge deıingi burynǵy rejımge oralý. Ujymdyq ımmýnıtettiń úlesi 60%-dan asýy kerek», dep jazady qala ákimdiginiń saıty.