Qazaqstan Respýblıkasynyń Tuńǵysh Prezıdenti – Elbasy atyndaǵy Ulttyq qorǵanys ýnıversıtetiniń magıstranttary dıplom aldy. Bul týraly QR Qorǵanys mınıstrliginiń baspasóz qyzmeti habarlady, dep jazady Egemen.kz.
Túlekterdi Ulttyq qorǵanys ýnıversıtetiniń bastyǵy general-leıtenant Sultan Kamaletdınov quttyqtady.
«Oqý barysynda ýnıversıtettiń professorlyq-oqytýshylar quramy óziniń barlyq bilimimen jáne tájirıbesimen bólisti. Ýnıversıtettiń búgingi túlekteri týraly óz isiniń sheberleri, eliniń shynaıy patrıottary jáne laıyqty Otan qorǵaýshylary dep aıta alatynymyzǵa senimdimin», dedi ýnıversıtet bastyǵy.
Ulttyq ýnıversıtetti 18 magıstrant jáne Armenııa Respýblıkasy qarýly kúshteriniń eki ofıseri bitirdi.