Tashkent qalasynda «Ortalyq jáne Ońtústik Azııa: aımaqtyq ózara baılanys. Syn-qaterler men múmkindikter» taqyrybyndaǵy Halyqaralyq konferensııa qarsańynda Ortalyq Azııa elderiniń syrtqy saıasat vedomstvolary basshylarynyń beıresmı kezdesýi ótti.
Is-sharaǵa Qazaqstan Respýblıkasy Premer-Mınıstriniń orynbasary – Syrtqy ister mınıstri Muhtar Tileýberdi, Tájikstan Respýblıkasynyń Syrtqy ister mınıstri Sırodjıddın Mýhrıddın, Túrikmenstan Mınıstrler Kabıneti Tóraǵasynyń orynbasary – Syrtqy ister mınıstri Rashıd Meredov, О́zbekstan Respýblıkasynyń Syrtqy ister mınıstri Abdýlazız Kamılov jáne Qyrǵyz Respýblıkasy Syrtqy ister mınıstriniń birinshi orynbasary Nýran Nııazalıev qatysty.Taraptar bıylǵy 6 tamyzda Túrikmenstanda ótetin Ortalyq Azııa memleketteri basshylarynyń Konsýltatıvtik kezdesýine daıyndyq máselelerin talqylady. Is-sharanyń kún tártibi, Sammıttiń qorytyndy qujattary boıynsha pikir almasyldy.
«Egemen-aqparat»