Qazaqstan Eýrazııalyq ekonomıkalyq odaq sheńberinde kredıt tarıhyna engizilgen aqparatpen almasý tártibi týraly Kelisimniń jobasyn daıyndady, dep jazady Egemen.kz.
Kelisim maqsaty – qarjy naryǵynda taýarlardyń, kórsetiletin qyzmetterdiń, kapıtaldyń jáne jumys kúshiniń erkin qozǵalysyn qamtamasyz etý. Kredıttik táýekelderdi barynsha azaıtý, tutynýshylardyń jáne qyzmet kórsetýshilerdiń quqyǵy men múddelerin qorǵaýdy qamtamasyz etý, sondaı-aq Eýrazııalyq ekonomıkalyq odaq sheńberinde ortaq qarjy naryǵyn qalyptastyrý.
Kelisim maquldanǵan jaǵdaıda, Odaq ózi ishinde mynadaı málimetterdi almasa alady:
- kredıt tarıhy sýbektisiniń kelisimin nemese múshe memlekettiń zańnamasyna sáıkes ýákiletti uıymyna kredıttik esepti berý týraly suraý salý jiberiletin osyndaı kelisimniń barlyǵy týraly aqparatty;
- kredıttik esepti;
- kredıt tarıhynyń quramyna kiretin málimetterdi daýlaýǵa qatysty qujattar.
Eger osy taqyrypta jiberligen suranys Odaqqa kiretin elderdiń zańnamasyn buzbasa, talap etilgen aqparat 3 jumys kúninen keshiktirmeı jiberiledi.
Aıta keteıik, Eýrazııalyq ekonomıkalyq odaq quramynda Qazaqstan, Armenııa, Belarýs, Qyrǵyzstan men Reseı kiredi.
Búginde Kelisim Ashyq NQA júıesinde taldaýǵa shyǵarylǵan.