Turǵyndardyń ómir súrý sapasyn jaqsartý maqsatynda Ál-Farabı aýdanynda jolaýshylar haby sanalatyn 10 núktege jańa aıaldamalar salynady, dep habarlaıdy Egemen.kz Shymkent qalasy ákimdiginiń baspasóz qyzmetine silteme jasap.
Jańa úlgidegi aıaldamalar demeýshiler tarapynan paıdalanýǵa beriledi.
Osyǵan oraı Ál-Farabı aýdanynyń ákimi Rashıd Myńbaev ınvestorlarmen kezdesip, qurylys josparyn pysyqtady. Basty maqsat – qala turǵyndary men qonaqtaryna meılinshe jaıly jaǵdaı jasaý.
«Aqyldy» qala atanýdyń alǵysharty – qaýipsizdik. Sondyqtan qoǵamdyq oryndardy jiti qadaǵalaý maqsatynda aıaldamalarǵa beınebaqylaý kameralary ornatylady.
Sondaı-aq jolaýshylardyń eń basty qajettilikteri sanalatyn kondısıoner men wifi, telefon qýattaǵysh qurylǵysy, marshrýttardyń baǵytyn kórsetetin jol kartasy da qoıylady.
Jańa úlgidegi aıaldamalar aldaǵy aıda halyq ıgiligine beriledi dep josparlanýda.