Qazaqstanda óndiristegi jazataıym oqıǵalardan bolatyn ólim-jitim 9,3%-ǵa tómendedi, dep habarlaıdy Egemen.kz Eńbek mınıstrligine silteme jasap.
QR Eńbek jáne halyqty áleýmettik qorǵaý mınıstrligi Eńbek, áleýmettik qorǵaý jáne kóshi-qon komıtetiniń derekteri boıynsha, aǵymdaǵy jyldyń birinshi jartyjyldyǵynda óndiristegi jazataıym oqıǵalardyń nátıjesinde 691 qyzmetker zardap shekti, onyń 78-i qaıtys boldy.
Osylaısha, óndiristik jaraqattaný deńgeıi 2020 jyldyń uqsas kezeńimen salystyrǵanda 2,8%-ǵa ósti. Al óndiristik jaraqattanýdan qaza tabý jaǵdaılary 9,3%-ǵa tómendedi (2020 jylǵy 6 aıda óndiriste 86 adam qaza tapty).
О́ndiristik jaraqattanýdyń joǵary deńgeıi burynǵydaı Qaraǵandy (139 adam zardap shekti), Shyǵys Qazaqstan (82 adam), Aqtóbe (56 adam), Pavlodar (54 adam), Qostanaı (49 adam), Túrkistan (37 adam) oblystarynda jáne Almaty qalasynda (42 adam) saqtalýda.
Ekonomıka salalary boıynsha zardap shekkenderdiń eń kóp sany taý-ken-metallýrgııa kesheniniń kásiporyndarynda – 134 adam (19,4%) jáne qurylys salasynda – 80 adam (11,6%) baıqalady.