Túrkistan oblysynda sibir eligin atqan brakonerler ustaldy, dep habarlaıdy Egemen.kz Polisia.kz saıtyna silteme jasap.
Qazyǵurt APB kezekshi bólimine ulttyq tabıǵı parkten brakonerlik faktisi boıynsha habarlama túsken.
Belgisiz adamdar zańsyz ań aýlap, taýdan sibir eligin atyp alǵany anyqtaldy.
Atalǵan faktini polısııa qyzmetkerleri QR QK 337-baby «Zańsyz ańshylyq» boıynsha SDTBT-ǵa tirkegen.
Brakonerlik oqıǵa týraly derek alǵan polısııa qyzmetkerleri birden tabıǵı park aýmaǵyna baryp, qylmys ornynda kúdiktilerdi ustady. Nissan avtokóligin tekserý kezinde koliktiń júksalǵyshynda sibir eliginiń kesilgen qańqasy men 16 kalıbrli ańshylyq myltyq tabyldy.
Keltirilgen zalaldyń jalpy somasy eki mıllıon teńgeden asty.
Zańsyz ań aýlaǵan brakonerler tabıǵı park aýmaǵyna demalý maqsatynda kelip, avtokólikpen taýǵa shyǵýdy sheshken. Taý shyńynda sibir eligin baıqap, jabaıy janýardy atyp alǵan.
Qazirgi ýaqytta atalǵan fakti boıynsha sotqa deıingi tergeý amaldary júrgizilýde.